پاکستان سپر لیگ 9 میں فتح کا تاج سر پر سجانے کے بعد اسلام آباد یونائیٹڈ کے کپتان شاداب نے میڈیا کے سامنے دلی خواہش کا اظہار کر دیا۔
شاداب خان نے ٹرافی اٹھانے کے بعد گفتگو کرتے ہوئے کہا کہ کبھی آپ قومی ٹیم میں ہوتے ہیں اور کبھی باہر، تسلسل برقرار نہیں رہتا، تاہم دلی خواہش یہی ہے کہ پاکستان کیلئے ورلڈ کپ کھیلوں۔
ان کا کہنا تھا کہ انالسٹ اور اسٹیٹس سے معلوم چلتا ہے کس پوزیشن پر کھلاڑیوں کونسا اچھا کھیلتا ہے، جس نمبر پر میں پرفارمنس دے سکتا ہوں اس پر کھیلتا ہوں اور میں سمجھتا ہوں کہ پاکستان ٹیم کیلئے اوپر کے نمبر پر کھیل سکتا ہوں۔
کپتان اسلام آباد یونائیٹڈ نے مزید کہا کہ میں جس ٹیم سے کھیلوں اس کو فتح دلانا مقصد ہے، پاکستان ٹیم میں کم بیک کرنے کے لیے ایسا کچھ نہیں کر رہا ہوں اور مجھے ابھی بھی ایسا لگتا ہے کہ میں اچھی بولنگ نہیں کر رہا ہوں اس میں بہتری آنے میں وقت لگے گا۔
