پی ایس ایل 9 کے پہلے ایلیمنیٹر میچ میں اسلام آباد یونائیٹڈ نے کوئٹہ گلیڈی ایٹرز کو 39 رنز سے شکست دے کر ایونٹ سے باہر کردیا۔
کراچی کے نیشنل اسٹیڈیم میں کھیلے گئے میچ میں کوئٹہ گلیڈی ایٹرز کی ٹیم اسلام آباد یونائیٹڈ کی جانب سے دیے گئے 175 رنز کے تعاقب میں 18.4 اوورز میں 135 رنز پر ڈھیر ہوگئی۔
ابتدائی پانچ وکٹیں 16 رنز پر گرنے کے بعد عمیر یوسف اور عقیل حسین نے مزاحمت کی لیکن ٹیم کو کامیابی سے ہمکنار نہ کرواسکے۔
جیسن رائے ایک رن بنا کر پویلین لوٹ گئے، سعود شکیل کو صفر پر عماد وسیم نے آؤٹ کیا، کپتان رائلی روسو 5 رنز بناسکے، خواجہ نافع بھی 5 رنز بنا کر آؤٹ ہوئے۔
ایونس کو صفر پر فہیم اشرف نے رن آؤٹ کیا، عقیل حسین بھی 31 رنز بنا کر رن آؤٹ ہوئے، محمد وسیم 6 رنز بناسکے جبکہ محمد عامر 23 رنز پر میک کوئے نے بولڈ کیا۔
اسلام آباد یونائیٹڈ کی جانب سے عماد وسیم نے تین کھلاڑیوں کو پویلین کی راہ دکھائی، نسیم شاہ نے دو میک کوئے اور فہیم اشرف نے ایک، ایک وکٹ حاصل کی۔
قبل ازیں اسلام آباد یونائیٹڈ نے مقررہ اوورز میں 9 وکٹوں کے نقصان پر 174 رنز بنائے تھے اور کوئٹہ گلیڈی ایٹرز کو جیت کے لیے 175 رنز کا ہدف دیاتھا۔
View this post on Instagram
مارٹن گپٹل 56 رنز کے ساتھ نمایاں رہے، آغا سلمان 31 رنز بنا کر سعود شکیل کا نشانہ بنے، الیکس ہیلز 23 رنز بنا کر پویلین لوٹ گئے۔
کپتان شاداب خان 23 رنز بناسکے، اعظم خان کو 18 رنز پر عقیل حسین نے بولڈ کیا۔
View this post on Instagram
فہیم اشرف اور حیدر علی ایک، ایک رن بنا کر آؤٹ ہوئے، عماد وسیم 4 رنز بنا کر رن آؤٹ ہوئے، حنین شاہ بغیر کوئی رن بنائے پویلین لوٹ گئے۔
View this post on Instagram
کوئٹہ گلیڈی ایٹرز کی جانب سے محمد عامر اور عقیل حسین نے دو، دو وکٹیں حاصل کیں، محمد وسیم، ابرار احمد اور سعود شکیل نے ایک، ایک وکٹ حاصل کی۔
View this post on Instagram
اس سے قبل اسلام آباد یونائیٹڈ کے کپتان شاداب خان نے ٹاس جیت کر رائلی روسو الیون کو پہلے بولنگ کی دعوت دی تھی۔
اسلام آباد یونائیٹڈ کی ٹیم میں دو تبدیلیاں کی گئی ہیں، کولن منرو اور ٹائمل ملز کی جگہ مارٹن گپٹل اور اوبیڈمک کوئے کو شامل کیا گیا ہے۔
کوئٹہ گلیڈی ایٹرز کی ٹیم میں کوئی تبدیلی نہیں کی گئی ہے۔
View this post on Instagram
ہیڈ ٹو ہیڈ مقابلے میں 19 میچز میں سے دونوں ٹیموں کی 9، 9 فتوحات ہیں، ایک میچ بے نتیجہ رہا تھا۔
رواں سیزن میں کوئٹہ گلیڈی ایٹرز نے اسلام آباد یونائیٹڈ کو شکست دی تھی۔
واضح رہے کہ کوئٹہ اور اسلام نے راؤنڈ میچز میں پانچ میں کامیابی حاصل کی، چار میچز میں ناکام رہیں۔
