پی ایس ایل 9 میں کراچی کنگز کے کپتان شان مسعود کا کہنا ہے کہ لاہور قلندرز کے خلاف میچ سے سیکھا کہ ابتدا میں زیادہ وکٹیں نہ گنوائیں۔
پی ایس ایل 9 کے دسویں میچ میں کراچی کنگز نے لاہور قلندرز کو سنسنی خیز مقابلے کے بعد 2 وکٹوں سے شکست دی، کنگز نے 176 رنز کا مطلوبہ ہدف آخری گیند پر حاصل کیا۔
کیرون پولارڈ کو 58 رنز کی شاندار اننگ اور دو کیچز پکڑنے پر میچ کا بہترین کھلاڑی قرار دیا گیا۔
- Advertisement -
میچ کے بعد گفتگو کرتے ہوئے کنگز کے کپتان شان مسعود نے کہا کہ ہم درست سمت کی جانب گامزن ہیں، بولرز نے ابتدائی اوورز میں شاندار بولنگ کی۔
شان مسعود نے کہا کہ ہم آخر کے چند اوورزمیں رنز نہیں روک سکے، 10 سے 15 رنز زیادہ بنوا دیے تھے۔
انہوں نے کہا کہ کیرون پولارڈ اور شعیب ملک کے تجربے سے جیت کی بنیاد رکھی دونوں کھلاڑیوں نے ابتدائی وکٹیں جلد گرنے کے بعد شاندار بیٹنگ کی۔
