ملتان سلطانز نے پی ایس ایل کے اپنے پہلے مقابلے میں حریف کراچی کنگز کو جیت کیلئے 186 رنز کا ہدف دیدیا۔
تفصیلات کے مطابق پاکستان سپر لیگ 9 کے تیسرے میچ میں اپنے ہوم گراؤنڈ میں پہلے بیٹنگ کرتے ہوئے ملتان سلطانز نے کراچی کنگز کو فتح کیلئے 186 رنزکا ہدف دیا ہے.
ملتان نے پہلے کھیلتے ہوئے 2 وکٹوں کے نقصان پر 185 رنز اسکور کیے۔ میزبان ٹیم کی طرف سے ریزا ہینڈرکس 79 رنز بناکر نمایاں رہے۔
- Advertisement -
اس کے علاوہ اوپنر ڈیوڈ ملان 52 اور خوشدل شاہ 28 رنز کی اننگز کھیلنے میں کامیاب رہے۔ کپتان محمد رضوان صرف 11 رنز بنا کر پویلین لوٹ گئے۔
کراچی کنگز کی جانب سے میر حمزہ اور ڈینیئل سیمز نے ایک ایک وکٹ حاصل کی۔ کراچی کی جانب سے 15 رنز ایکسٹراز کی مد میں دیے گئے۔
