تازہ ترین

کوئٹہ: تفتان جانیوالی بس سے اغوا کیے گئے 9 مسافر قتل

کوئٹہ:نوشکی کے قریب تفتان جانیوالی بس سے اغوا کیے...

بہاولنگر واقعے کی مشترکہ تحقیقات ہوں گی، آئی ایس پی آر

آئی ایس پی آر نے کہا ہے کہ بہاولنگر...

عیدالفطر پر وفاقی حکومت نے عوام کو خوشخبری سنا دی

اسلام آباد: عیدالفطر کے موقع پر وفاقی حکومت نے...

ایشیائی بینک نے پاکستان میں مہنگائی میں کمی کی پیشگوئی کر دی

ایشیائی ترقیاتی بینک نے پاکستان میں آئندہ مالی سال...

سنگدل شخص نے بیوی اور 7 بچوں کو قتل کر دیا

پنجاب کے علاقے مظفر گڑھ میں اجتماعی قتل کا...

پی ایس ایل 9 میں کون سا کھلاڑی کس انعام کا حقدار قرار پایا؟

پاکستان سپر لیگ 9 اسلام آباد یونائیٹڈ کی فتح کے ساتھ اختتام پذیر ہوگیا ایونٹ میں کھلاڑیوں کو مختلف شعبوں میں بہترین کارکردگی پر انعامات سے نوازا گیا۔

اے آر وائی نیوز کے مطابق پی ایس ایل 9 کا ایک ماہ تک جانے والا کرکٹ کا سنسنی خیز میلہ گزشتہ شب اسلام آباد کے چیمپئن بننے کے ساتھ اختتام پذیر ہو گیا۔ اسلام آباد ریکارڈ تیسری بار پی ایس ایل کا چیمپئن بنا۔

تقریب تقسیم انعامات میں پورے ٹورنامنٹ میں بہترین کارکردگی کا مظاہرہ کرنے پر مختلف ٹیموں کے کھلاڑیوں کو مختلف اعزازات سے نوازا گیا۔

 

View this post on Instagram

 

A post shared by Pakistan Super League (@thepsl)

چیمپئن ٹیم اسلام آباد یونائیٹڈ کے کپتان شاداب خان نے پلیئر آف دی ٹورنامنٹ کا اعزاز اپنے نام کیا۔ انہوں نے ایونٹ میں بہترین قائدانہ صلاحیتوں کے ساتھ نہ صرف اپنی ٹیم کو تیسری بار پی ایس ایل کا چیمپئن بنوایا بلکہ آل راؤنڈ کارکردگی دکھاتے ہوئے اس سیزن میں 305 رنز اور 9 وکٹیں حاصل کیں۔

 

View this post on Instagram

 

A post shared by Pakistan Super League (@thepsl)

پی ایس ایل 9 کے فائنل میں ریکارڈ بنانے والے اسلام آباد یونائیٹڈ کے آل راؤنڈر عماد وسیم فائنل میچ کے بہترین کھلاڑی قرار پائے۔ انہوں نے پی ایس ایل کی تاریخ میں فائنل میں 5 وکٹیں لینے والے پہلے بولر کا اعزاز حاصل کیا۔

 

View this post on Instagram

 

A post shared by Pakistan Super League (@thepsl)

ٹورنامنٹ کے بہترین بولر ملتان سلطانز کے اسامہ میر قرار پائے۔ انہوں نے ایونٹ میں مجموعی طور پر 24 وکٹیں حاصل کیں۔ انہیں اس کارکردگی پر فضل محمود کیپ سے نوازا گیا۔

 

View this post on Instagram

 

A post shared by Pakistan Super League (@thepsl)

پی ایس ایل 9 میں سب سے زیادہ 569 رنز اسکور کر کے پشاور زلمی کے کپتان بابر اعظم نے خود کو حنیف محمد کیپ کا حقدار بنایا۔ وہ پی ایس ایل کے تین سیزن میں 500 سے زائد رنز بنانے کا اعزاز بھی رکھتے ہیں۔

 

View this post on Instagram

 

A post shared by Pakistan Super League (@thepsl)

ٹورنامنٹ کے بہترین بیٹر کا ایوارڈ ملتان سلطانز کے عثمان خان کے نام رہا۔ انہوں نے 7 اننگز میں 107.5 کی قابل رشک اوسط سے 430 رنز بنا کر ٹورنامنٹ کے دوسرے ٹاپ بلے باز رہے۔ سیزن میں انہوں نے لگاتار دو سنچریاں بنانے کا اعزاز بھی پایا

 بہترین فیلڈر اور ایمرجنگ پلیئر آف دی ٹورنامنٹ کے اعزازات کراچی کنگز کے عرفان خان نیازی کے حصے میں آئے۔

پی ایس ایل 9 کے سپر آل راؤنڈر پشاور زلمی کے صائم ایوب قرار پائے، بہترین وکٹ کیپر کا ایوارڈ اسلام آباد یونائیٹڈ کے اعظم خان نے جیتا، اسپرٹ کرکٹ ایوارڈ پشاور زلمی کے حصے میں آیا اور بہترین امپائر کا ایوارڈ آصف یعقوب نے حاصل کیا۔

Comments

- Advertisement -