پی ایس ایل 9 کے گزشتہ روز کھیلے گئے میچ میں اسلام آباد نے کراچی کو 7 وکٹوں سے شکست دے دی کنگز کے کپتان شان مسعود نے گفتگو کی۔
اے آر وائی نیوز کے مطابق پی ایس ایل 9 کا پہلا مرحلہ لاہور اور ملتان میں 14 میچز کے انعقاد کے ساتھ اختتام پذیر اور دوسرے مرحلے کا آغاز گزشتہ روز کراچی کے نیشنل اسٹیڈیم میں کراچی کنگز اور اسلام آباد یونائیٹڈ کے درمیان میچ سے ہوا۔
یہ میچ اسلام آباد یونائیٹڈ نے سات وکٹوں سے جیت لیا۔ میچ کے بعد گفتگو کرتے ہوئے کراچی کنگز کے کپتان شان مسعود نے کہا کہ پچ مشکل تھی۔ ٹاپ آرڈر کا زیادہ ذمے داری کے ساتھ کھیل کر اچھا پرفارم کرنا ہوگا۔
کنز کے کپتان نے یہ بھی کہا ہے کہ پچ دیکھ کر لگا تھا کہ 170 رنز بہت ہوں گے مگر ہم نے 15 سے 20 رنز کم بنائے۔
شان مسعود اگلے میچوں میں بہترین کاکردگی کے لیے پُر امید ہیں اور کہتے ہیں کہ اگلے میچ میں کوئٹہ گلیڈیئٹر کے خلاف جیت کے ساتھ کم بیک کریں گے۔
واضح رہے کہ کراچی کنگز اور اسلام آباد یونائٹیڈ نے دو، دو میچز جیت رکھے ہیں اور پی ایس ایل کی پوائنٹ ٹیبل پر بالترتیب چوتھے اور پانچویں نمبر پر ہیں۔
ملتان سلطانز 5 فتوحات کے ساتھ سر فہرست، کوئٹہ گلیڈیئٹر اور پشاور زلمی تین تین فتوحات کے ساتھ بالترتیب دوسرے اور تیسرے نمبر پر ہیں جب کہ دفاعی چیمپئن لاہور قلندرز نے اب تک 6 میچز کھیلے ہیں اور ایک میں بھی فتح حاصل کرنے میں ناکام رہی ہے۔
پی ایس ایل 9: کراچی کے شائقین ٹکٹ کیسے حاصل کر سکتے ہیں؟
کراچی کنگز اور کوئٹہ گلیڈیئٹر کا میچ آج شام 7 بجے شروع ہوگا۔
