لاہور: پاکستان سپر لیگ (پی ایس ایل) سیزن 9 کی آن لائن ٹکٹ بکنگ ویب سائٹ بحال کر دی گئی۔
تفصیلات کے مطابق پی ایس ایل کی انتظامیہ نے سماجی رابطے کی ویب سائٹ ایکس پر نوٹیفکیشن جاری کردیا ہے، جس کے مطابق ویب سائٹ بحال کردی گئی ہے، شائقین کرکٹ اب بغیر کسی رکاوٹ کے آن لائن ٹکٹ بک کر سکتے ہیں۔
The ticketing website issue has been resolved! Fans can now pre-book tickets at https://t.co/khPS0MOZVN
Thanks for your patience!
— PakistanSuperLeague (@thePSLt20) February 7, 2024
پاکستان کرکٹ بورڈ (پی سی بی) نے پی ایس ایل کے ٹکٹوں کی فروخت کے لیے نجی کورئیر کمپنی کے ساتھ معاہدہ کیا ہے۔
واضح رہے کہ پی ایس ایل کی آن لائن ٹکٹ بکنگ ویب سائٹ پر 6 فروری کی شام 5 بجے سے آن لائن ٹکٹ بکنگ شروع ہونا تھی جس کے چند گھنٹوں بعد ہی اس پر سائبر حملہ کیا گیا۔
