کراچی: پی سی بی نے پاکستان سپر لیگ( پی ایس ایل) کے نویں ایڈیشن کے ٹکٹوں کی فروخت کا اعلان کردیا۔
تفصیلات کے مطابق پاکستان کرکٹ بورڈ( پی سی بی) کے مطابق پاکستان سپر لیگ (پی ایس ایل) سیزن 9 کی فروخت 6 جنوری سے شروع ہوگی۔
پی سی بی کا کہنا ہے کہ شائقین آن لائن ٹکٹ بک کر سکتے ہیں، ٹکٹ کی قیمت 500 سے لے کر 15 ہزار روپے تک ہوگی، فائنل کا ٹکٹ 1 ہزار روپے سے 8 ہزار روپے تک دستیاب ہوگا۔
واضح رہے کہ شیڈول کے مطابق پی ایس ایل 9 کا آغاز 17 فروری سے ہو گا اور 17 مارچ تک جاری رہنے والے ایونٹ میں 34 میچز کھیلے جائیں گے۔
پی ایس ایل شیڈول کے مطابق پہلے مرحلے میں میچ لاہور اور ملتان میں کھیلے جائیں گے جبکہ دوسرے مرحلے کے میچز کراچی اور راولپنڈی میں ہوں گے۔
افتتاحی میچ قذافی اسٹیڈیم میں لاہور قلندرز اور اسلام آبادیونائیٹڈ کے درمیان ہو گا جبکہ ایونٹ کا فائنل کراچی میں ہو گا۔
