پی ایس ایل 9 میں کراچی کنگز کے فاسٹ بولر میر حمزہ کا کہنا ہے کہ کپتان اور مینجمنٹ نے مجھے وکٹیں لینے کا ٹاسک دیا تھا۔
پی ایس ایل 9 کے چھٹے میچ میں کراچی کنگز نے پشاور زلمی کو باآسانی 7 وکٹوں سے شکست دے دی، فاسٹ بولر میر حمزہ کو تین وکٹیں حاصل کرنے پر میچ کا بہترین کھلاڑی قرار دیا گیا۔
لاہور میں کھیلے گئے میچ میں کراچی کنگز نے پشاور زلمی کی جانب سے دیا گیا 155 رنز کا ہدف 18.2 اوورز میں باآسانی 3 وکٹوں کے نقصان پر حاصل کرلیا۔
View this post on Instagram
کیرون پولارڈ نے 21 گیندوں پر 49 رنز کی برق رفتار اننگز کھیلی، ان کی اننگ میں چار چوکے اور چار بلند و بالا چھکے شامل تھے۔
میچ کے بعد گفتگو کرتے ہوئے فاسٹ بولر میر حمزہ نے کہا کہ ٹیم جیتی ہے جس کی بے حد خوشی ہے، تمام بولرز نے بہترین بولنگ کی۔
انہوں نے کہا کہ تمام بولرز نے بہترین بولنگ کی، شعیب ملک اور پولارڈ نے زبردست بیٹنگ کی جس سے ہدف پر پہنچنے میں آسانی ہوئی۔
میر حمزہ نے کہا کہ کپتان اور مینجمنٹ نے مجھے وکٹیں لینے کا ٹاسک دیا تھا، کوشش یہی تھی وکٹیں حاصل کروں۔