The news is by your side.

Advertisement

پی ایس پی سے اتحاد کا کوئی امکان نہیں، مراد علی شاہ

کراچی: وزیراعلیٰ سندھ مراد علی شاہ نے کہا ہے کہ آئی جی سندھ کی تعیناتی کا معاملہ عدالت میں ہے جو بھی فیصلہ آیا قبول کریں گے، پاک سرزمین پارٹی سے اتحاد کا کوئی امکان نہیں، ایم کیو ایم نے وائٹ پیپر میں وہی نفرت پھیلائی جو اُن کے بانی کیا کرتے تھے۔

میڈیا سے گفتگو کرتے ہوئے وزیراعلیٰ سندھ نے کہا کہ آئی جی کی تعیناتی کامعاملہ عدالت میں ہے،فیصلہ قبول کرینگے، پولیس صوبائی محکمہ ہے،وفاق کومداخلت نہیں کرنی چاہئے۔

انہوں نے کہا کہ صوبائی حکومت نےشہرکی صفائی کےکاموں میں مدد بلدیاتی نمائندوں کے ساتھ تعاون کیا مگر میٹروپولیٹن کارپوریشن کا جو کام تھا انہوں نےنہیں کیا، اب ہم نے شہر میں صفائی کے مسئلے کو حل کرنے کا بیڑہ اٹھا لیا ہے۔

پڑھیں: ’’ عوام کے پیسوں سے بینک بیلنس بنایا گیا، متحدہ کا پی پی کے خلاف وائٹ پیپر ‘‘

وزیر اعلیٰ سندھ نے کہا کہ ایم کیو ایم نے وائٹ پیپر میں وہی نفرت پھیلائی جو اُن کے بانی کیا کرتے تھے، متحدہ نے صرف ایک طبقے کی بات کر کے کراچی کی دیگر قومیتوں کے خلاف نفرت پھیلائی۔

مراد علی شاہ نے کہا کہ آئندہ انتخابات میں پاک سرزمین پارٹی سے اتحاد کا کوئی امکان نہیں، پیپلزپارٹی پورے پاکستان سے اپنے امیدوار کھڑے کرے گی اور اکثریت حاصل کرکے 2018 میں بھی حکومت بنائیں گے۔

Print Friendly, PDF & Email

Comments

comments

یہ بھی پڑھیں