لندن: پاک سرزمین پارٹی نے لندن میں پہلے رابطہ آفس کا افتتاح کر دیا،رہنما پی ایس پی رضا ہارون کا کہناتھا اوورسیز دفاتر کا مقصد پاکستان کی پروموشن کرنا اور اس کے مثبت امیج کیلئے کام کرنا ہے۔
لندن کے علاقے فارسٹ گیٹ میں قائم آفس کا افتتاح پی ایس پی سیکریٹری جنرل دضا ہارون نے کیا، رہنما پاک سرزمین پارٹی رضا ہارون کا کہنا تھا لندن میں آفس کے قیام کے بعد ممبر سازی مہم تیز کی جائے گی انہوں نے کہا برطانیہ میں چیئرمین مصطفی کمال کے پیغام کو توقعات سے بڑھ کر پذیرائی ملی ہے۔
رضا ہارون کا کہنا تھا ریاست اور وفاقی حکومت کو ملک دشمن عناصر اور ان کے سرپرستوں پر کڑی نگاہ رکھے۔
اس موقع پر پی ایس پی کے مرکزی جوائنٹ سیکریٹری محمد رضا بھی ان کے ہمراہ تھے، پی ایس پی لندن آرگنائزنگ کمیٹی کے اراکین ڈاکٹر سرور، غلام نبی عامر، شمائیل محمود، فیصل محمود، چوہدری پرویز اختر، نعیم عباس، شیخ غلام حسین، امیر فیصل، ریحان آرائیں، فہد وارثی، محمد نعمان، فرحان راجہ، عرفان راجہ بھی موجود تھے۔
رضا ہارون نے پارٹی کے اغراض و مقاصد بیان کرتے ہوۓ کہا کہ اس رابطہ آفس کی مدد سے لندن اور یو کے میں ممبر سازی مہم کو تیز کیا جاۓ اور پاکستانی عوام کو مصطفی کمال کا پیغام پہنچایا جاۓ۔ پارٹی اوورسیز دفاتر کا مقصد پاکستان کی پروموشن کرنا اور اس کے مثبت امیج کیلۓ کام کرنا ہے۔
