کراچی : پاکستان اسٹاک مارکیٹ میں شدید مندی کے باعث 100 انڈیکس میں 1900 پوائنٹس کی کمی کے بعد 65 ہزار کی نفسیاتی حد سے بھی نیچے آگیا۔
تفصیلات کے مطابق پاکستان اسٹاک مارکیٹ میں آج مثبت آغاز کے بعد شدید مندی ریکارڈ کی گئی، ہنڈرڈ انڈیکس میں1900 پوائنٹس سے زائد کی کمی ہوئی، جس کے بعدانڈیکس 65 ہزار کی نفسیاتی حد سے بھی نیچے آگیا ہے اور 64 ہزار485 پوائنٹس پر ٹریڈ کر رہا ہے۔
اس سے قبل صبح ہنڈریڈ انڈیکس میں کھلتے ہی چھ سوسڑسٹھ پوائنٹس کا اضافہ دیکھا گیا، جس کے بعد انڈیکس نے سڑسٹھ ہزار کی سطح بھی ٹچ کر لی تھی۔
ہنڈریڈ انڈیکس تین سو تیراسی پوائنٹس اضافے کے ساتھ بلند ترین سطح چھیاسٹھ ہزار آٹھ سو دس پوائنٹس پر ٹریڈ کر رہا تھا۔
ماہرین کا کہنا ہے مثبت معاشی اشارے کی وجہ سے انویسٹرز میں اعتماد جاری ہے، اسٹیٹ بینک نے شرح سود کو بائیس فیصد پر برقرار رکھا ہے اور اگلے چھ ماہ میں شرح سود میں تین سے چار فیصد کمی کا امکان ہے۔
بین الاقوامی مارکیٹ میں خام تیل کی قیمتوں میں تقریبا بارہ ڈالرز تک کی کمی ہو چکی ہے، جس کی وجہ سے پاکستان میں آئندہ کچھ ہفتے مہنگائی میں کمی ہو سکتی ہے۔
Remarks: پاکستان اسٹاک مارکیٹ میں مثبت رجحان، تاریخ کی بلند ترین سطح پر ٹریڈ جاری 100 انڈیکس میں 611 پوائنٹس کا اضافہ انڈیکس نے 67 ہزار کی سطح کو بھی ٹچ کرلیا انڈیکس 383 پوائنٹس اضافے کےساتھ 66 ہزار813 پوائنٹس پر ٹریڈ کر رہا ہے مثبت معاشی اشارے کی وجہ سے انویسٹرز میں اعتماد ہے خام تیل کی قیمتوں میں تقریبا 12 ڈالرز تک کی کمی ہو چکی ہ
