کراچی : پاکستان اسٹاک مارکیٹ میں انڈیکس تاریخ میں پہلی بار 54 ہزار کی سطح عبور کرگیا، گزشتہ روز اسٹاک مارکیٹ 53 ہزار 860 پوائنٹس پر بند ہوئی تھی۔
تفصیلات کے مطابق پاکستان پاکستان اسٹاک مارکیٹ میں آج بھی زبردست تیزی ریکارڈ کی گئی اور تاریخ کی بلند ترین سطح پر برقرار ہے۔
ہفتے کے دوسرے روز کاروبار کے آغاز میں ہی ہنڈریڈ انڈیکس میں 420 پوائنٹس کا اضافہ ہوا اور انڈیکس 54 ہزار 280 پوائنٹس کی سطح پر پہنچ گیا، جو ابتک پاکستان میں اسٹاک مارکیٹ کی تاریخ کی بلند ترین سطح ہے۔
گزشتہ روز اسٹاک مارکیٹ تریپن ہزار آٹھ سو ساٹھ پوائنٹس پر بند ہوئی تھی، ماہرین کا کہنا ہے کہ ملکی معیشت سہی سمت میں جا رہی ہے جبکہ آئی ایم ایف کی جانب سے بھی معاشی اعداد شمار پر اطمنان کا اظہار کیا گیا ہے ، جس سے پاکستان سرمایہ کاروں کا اسٹاکس پر اعتماد بہال ہو رہا ہے۔