The news is by your side.

Advertisement

اسٹاک ایکسچینج میں شدیدمندی، سرمایہ کاروں کےاربوں روپے ڈوب گئے

انڈیکس 3سال کی کم ترین سطح پرآگیا 100

کراچی: پاکستان اسٹاک ایکسچینج میں شدید مندی ریکارڈ کی گئی اور 100انڈیکس 3سال کی کم ترین سطح پر آگیا، شیئرزکی قیمت کم ہونے سے سرمایہ کاروں کے اربوں روپے ڈوب گئے۔

تفصیلات کے مطابق کاروباری ہفتے کے دوسرے روز پاکستان اسٹاک مارکیٹ میں شدید مندی دیکھنے میں آئی اور کاروبارکےدوران ہنڈریڈ انڈیکس میں سات سو سے زائد پوائنٹس کی کمی ہوئی، سات سو سے زائد پوائنٹس کمی کے بعد انڈیکس چھتیس ہزار ایک سو اٹھاون پوائنٹس پر آگئی۔

سرمایہ کاروں کی جانب سے فروخت کا رجحان رہا اور دوسو تینتیس کمپنیوں کے حصص کی قیمت میں کمی ریکارڈ کی گئی۔

ایک دن میں100انڈیکس میں 1.9فیصدکی نمایاں کمی کی گئی اور 100انڈیکس 3سال کی کم ترین سطح پرآگیا ، شیئرزکی قیمت کم ہونےسےسرمایہ کاروں کے110ارب ڈوب گئے۔

مزید پڑھیں : وزیراعظم کے دلیرانہ فیصلے کے مثبت اثرات، پاکستان اسٹاک مارکیٹ میں تیزی

گذشتہ ہفتے کاروباری دن کے اختتام پر وزیراعظم عمران خان کے دلیرانہ فیصلے کے مثبت اثرات نمایاں ہونے لگے تھے اور پاکستان اسٹاک مارکیٹ میں تیزی ریکارڈ کی گئی اور 100انڈیکس میں نو سو پوائنٹس کا اضافہ دیکھنے میں آیا تھا، جس کے بعد سینتیس ہزارپوائنٹس کی سطح پر بحال ہوگئی تھی۔

پہلے سیشن میں کاروبار کے دوران ایک سو نوے کمپنیوں کے حصص کی قیمت میں اضافہ ریکارڈ کیا گیا اور کاروباری حجم بارہ کروڑ اکسٹھ لاکھ شیئرز رہا تھا۔

Comments

comments

یہ بھی پڑھیں