کراچی : پاکستان اسٹاک مارکیٹ نے بلندیوں کا ایک اور نیا ریکارڈ قائم کرتے ہوئے 65 ہزار کی سطح کو بھی عبور کرلی۔
تفصیلات کے مطابق پاکستان اسٹاک مارکیٹ میں آج بھی زبردست تیزی جاری ہے اور ہنڈریڈ انڈیکس نے ایک اور نیا ریکارڈ قائم کر لیا ہے۔
کاروباری ہفتے کے آخری روز پاکستان اسٹاک ایکسچینچ میں 100 انڈیکس ایک ہزارتریسٹھ پوائنٹس اضافے کے ساتھ تاریخ کی بلند ترین سطح پر پہنچ گیا.
کاروبار کے دوران انڈیکس 65 ہزار کی سطح بھی عبور کرکے 913 پوائنٹس اضافے کیساتھ65 ہزار 631 پوائنٹس پر ٹریڈ کررہا ہے۔
رواں ہفتے انڈیکس میں ساڑھے تین ہزار پوائنٹس سے زائد اضافہ ہو چکا ہے جبکہ جولائی سے ابتک تقریبا تیئیس ہزار پوائنٹس کا اضافہ دیکھا گیا ہے۔
ماہرین کا کہنا ہے معیشت کی سمت دورست ہے جس سے انویسٹرز میں اعتماد پیدا ہوا ہے جبکہ اسٹیٹ بینک کی جانب سے بھی شرح سود میں کمی کی توقع ہے اور اسٹاک مارکیٹ میں غیرملکی سرمایہ کاری میں بھی اضافہ ہوا ہے۔
