لاہور : پاکستان تحریک انصاف (پی ٹی آئی) نے لاہور کی ہر گلی اور محلے میں احتجاجی مظاہروں کا اعلان کردیا۔
تفصیلات کے مطابق تحریک انصاف ( پی ٹی آئی ) آج لاہور میں احتجاج کی کال دے رکھی ہے، ایم پی اے فرخ جاوید مون نے کہا ہے کہ آج لاہور کی غیور عوام سڑکوں پر نکلے گی اور لاہور کی ہر گلی، محلے میں احتجاجی مظاہرے ہوں گے۔
فرخ جاوید مون کا کہنا تھا کہ بانی کی کال پر آج ہر حال میں احتجاج ہوگا، کارکنان فاشسٹ حکومت کا مقابلہ کرنا جانتے ہیں۔
انھوں نے کہا کہ جعلی حکومت بانی تحریک انصاف کی بڑھتی مقبولیت سےخوفزدہ ہے، حکومت نےپورےپاکستان کو کینٹینرستان بنا دیا ہے، آج لوگوں کی اتنی تعداد ہوگیکہ عظمیٰ بخاری اپنی گنتی بھول جائیں گی۔
خیال رہے پاکستان تحریک انصاف کی لاہورمیں احتجاج کی کال کے پیش نظر مینار پاکستان جانےوالے تمام راستے سیل کردیئے گئے ہیں۔
لاہور میں دفعہ ایک سوچوالیس نافذ ہے ، جس کے تحت جلسےجلوس اور احتجاج پر پابندی عائد ہے جبکہ لاہور میں میٹرو بس سروس محدود کردی ہے ، میٹرو بس سروس گجومتہ سےایم اےاوکالج تک آپریشنل ہے۔
