لاہور : تحریک انصاف کی جانب سے حکومتی معاشی کارکردگی ، معاشی بگاڑ اور چیلنجز سے نمٹنے سے متعلق آج سیمینار ہوگا، جس میں عمران خان بطور مہمان خصوصی شرکت کریں گے۔
تفصیلات کے مطابق پاکستان تحریک انصاف کی جانب سے مستقبل کی معاشی پالیسیوں پر کام کا آغاز کردیا گیا۔
حکومتی معاشی کارکردگی ، معاشی بگاڑ اور چیلنجز سے نمٹنے سے متعلق سیمینار ہوگا، سیمینارمیں عمران خان بطور مہمان خصوصی شرکت کریں گے۔
مسرت جمشید چیمہ کا کہنا تھا کہ سیمینار کا آغاز شوکت ترین کی معاشی اشاریوں سےمتعلق بریفنگ سےہوگا، سیمینار سےجمشیداقبال چیمہ، سلیم رضا، علی زیدی،مزمل اسلم ودیگر خطاب کریں گے۔
ترجمان پنجاب حکومت نے کہا کہ عمران خان بھی شرکاسے خطاب کریں گے اور جمشیداقبال چیمہ ملک کودرپیش فوڈسیکیورٹی سےمتعلق چیلنجز سمیت ان کےحل پر گفتگو کریں گے۔
سیمینار کا آغاز دن 2 بجکر 45 منٹ پر ہوگا، سیمینار میں آصف قریشی انرجی وپٹرولیم،سلیم رضافنانشل مارکیٹ،قرضوں پربریفنگ دیں گے۔
دوسری جانب پاکستان تحریک انصاف کی جانب سے "معاشی کارکردگی اورمستقبل کے معاشی چیلینجز” کے عنوان سے آج کراچی میں
بھی سیمینار ہوگا۔
