لاہور : تحریک انصاف نے وزیراعظم کیخلاف اعتماد کے ووٹ کی کارروائی کیلئے لابنگ تیز کرنے کا فیصلہ کرلیا، ایم کیوایم کے تحفظات کو دیکھتے ہوئے فیصلہ کیا گیا۔
تفصیلات کے مطابق تحریک انصاف نے وزیراعظم کیخلاف اعتماد کے ووٹ کی کارروائی شروع کرانے کیلئے لابنگ تیز کردی۔
ذرائع کا کہنا ہے کہ صدر مملکت کو جلد وزیراعظم کو اعتماد کا ووٹ لینے کیلئے کہنے کا امکان ہے۔
پارٹی ذرائع نے کہا ہے کہ پی ٹی آئی نے ایم کیو ایم کےتحفظات کو دیکھتے ہوئے فیصلہ کیا، پی ٹی آئی پرامیدہے ایم کیو ایم وزیراعظم کو ووٹ نہیں دے گی۔
یاد رہے پاکستان تحریک انصاف کے وزیراعظم شہبازشریف کے اعتماد کے ووٹ کے معاملے پر ن لیگ 4 ایم این ایز سے معاملات طے ہوگئے ہیں۔
ذرائع نے بتایا ہے کہ ن لیگ کے 5 ایم این ایز نے پی ٹی آئی سے رابطہ کرلیا ، 4 ارکان قومی اسمبلی کا تعلق سنٹرل پنجاب اور ایک جنوبی پنجاب سے ہے۔
ذرائع کے مطابق رہنما تحریک انصاف نے کہا تھا کہ ن لیگ 4 ایم این ایز سے معاملات طے ہیں پانچویں سے بھی ہو جائیں گے اور مزید ارکان سے رابطے کے بعد وزیراعظم کو اعتماد کے ووٹ کا کہا جائے گا۔
رہنما پی ٹی آئی کا کہنا تھا کہ وزیراعظم شہبازشریف کے اعتماد کے ووٹ میں متعلقہ لیگی ارکان غیر حاضر رہیں گے۔
