اسلام آباد : تحریک انصاف نے قومی اسمبلی میں واپسی کے لیے حکومت کے سامنے قبل ازوقت انتخابات کی شرط رکھنے کا فیصلہ کرلیا۔
تفصیلات کے مطابق تحریک انصاف نے قومی اسمبلی میں واپسی کےلیے اپنی پالیسی واضح کرنے کا فیصلہ کرلیا ہے۔
ذرائع کا کہنا ہے کہ پی ٹی آئی کی اکثریت نے قومی اسمبلی میں واپسی کو انتخابات پر بات چیت سے مشروط کرنے کی رائے دے دی۔
PTI کا قومی اسمبلی میں واپسی کےلیےشرط رکھنےکا فیصلہ،PTI کی اکثریت نےاسمبلی میں واپسی کوانتخابات پر بات چیت سےمشروط کرنےکی رائےدیقبل ازوقت انتخابات پر بات چیت شروع کریں تواسمبلی میں واپسی پرغورہوسکتاہے،عدالت سمیت ہرفورم پر موقف ہے انتخابات کےلیےاسمبلی میں واپساسکتےہیں، رہنماPTI pic.twitter.com/tiQ0GQahoQ
— Naeem Ashraf Butt (@naeemashrafbut3) September 24, 2022
اکثریت نے رائے میں کہا کہ اگر حکومت قبل ازوقت انتخابات پربات چیت شروع کریں تو پھر اسمبلی میں واپسی پر غور ہوسکتا ہے۔
تحریک انصاف کے اہم رہنما نے اے ار وائی نیوز کو بتایا کہ عدالت ہو یا کوئی اور فورم پارٹی کا موقف ہرجگہ یہی ہے کہ قبل ازوقت انتخابات پر بات کرنی ہے تو اسمبلیوں میں واپسی ہوسکتی ہے۔
انہوں نے کہا کہ موجودہ سیاسی اورمعاشی بدحالی کا حل صرف قبل ازوقت انتخابات ہی ہیں۔
یاد رہے گذشتہ ماہ تحریک انصاف کی پارلیمانی پارٹی نے اسمبلی میں واپسی کے آپشن کو مسترد کر دیا تھا۔
عمران خان کی زیر صدارت پارلیمانی پارٹی کے اجلاس میں فیصلہ کیا گیا تھا کہ اسمبلی میں کسی صورت واپس نہیں جائیں گے نئےانتخابات کےعلاوہ کوئی آپشن قبول نہیں۔