پاکستان تحریک انصاف ( پی ٹی آئی) کے منحرف اراکین کے ہونے والے اجلاس میں میئر الیکشن ووٹ کاسٹ کرنے سے متعلق حتمی فیصلہ آگیا۔
تفصیلات کے مطابق میئر اور ڈپٹی میئر الیکشن سے قبل پی ٹی آئی کے اراکین کا اجلاس ہوا، جس میں پی ٹی آئی کے 30 منحرف ارکان نے پاکستان تحریک انصاف (پی ٹی آئی) کے یونین کونسل (یو سی) چیئرمین اسد امان کو اپنا پارلیمانی لیڈر نامزد کردیا ہے۔
اراکین کا کہنا ہے کہ پارلیمانی لیڈر اسد امان جسے کہےگا اسے ووٹ کرینگے وہ کہے گا ووٹ نہیں کرنا تو نہیں کرینگے۔
واضح رہے کہ گزشتہ روز پاکستان تحریک انصاف (پی ٹی آئی) کے یونین کونسل (یو سی) چیئرمین اسد امان نے ویڈیو بیان میں کہا تھا کہ وہ 12 جون کے اعلان پر قائم ہیں، میئر کراچی کے لیے جماعت اسلامی کے امیدوار حافظ نعیم کو ووٹ نہیں ڈالیں گے۔
کراچی کی میئرشپ کے لیے الیکشن آج کراچی آرٹس کونسل میں منعقد ہوگا، میئر کراچی کے لیے مرتضیٰ وہاب پیپلز پارٹی کے امیدوار ہیں، جب کہ حافظ نعیم الرحمان جماعت اسلامی کے امیدوار ہیں۔
ڈپٹی میئر کراچی کے لیے پیپلز پارٹی کے امیدوار سلمان عبداللّٰہ مراد اور جماعت اسلامی کے سیف الدین کے درمیان مقابلہ ہوگا۔
