فیصل آباد: پاکستان تحریک انصاف (پی ٹی آئی) کے رہنما فرخ حبیب کو ایف آئی اے نے طلب کرلیا۔
اے آر وائی نیوز کے مطابق پی ٹی آئی رہنما فرخ حبیب کو 21 فروری کو ایف آئی اے دفتر میں پیش ہونے کا حکم دیا گیا ہے، ایف آئی حکام کا کہنا ہے کہ فرخ حبیب نے تنویر حسین کی ملی بھگت سے کرپشن کی ہے۔
ذرائع کا بتانا ہے کہ ایس ایچ او طاہر کوہلی نے فرخ حبیب کو نوٹس بھیجا ہے۔
ذرائع کے مطابق ایف آئی اے کی جانب سے فرخ حبیب کیخلاف اختیارات کا ناجائز استعمال، کرپشن کے حوالے سے انکوئری کی جارہی ہے۔
فرخ حبیب کا ردعمل
پی ٹی آئی رہنما فرخ حبیب نے سماجی رابطے کی ویب سائٹ ٹوئٹر پر ردعمل دیتے ہوئے لکھا کہ ’پہلے توہین عدالت کرکے فواد چوہدری کو اسلام آباد لے جانے سے روکنے پر ڈکیتی کا پرچہ کیا اب ایف آئی اے کی جانب سے من گھڑت انکوائری کا نوٹس مل گیا ہے۔
انہوں نے لکھا کہ ’شہباز شریف، رانا ثنا جتنی انتقامی کارروائیاں خرنی ہے کرلو عمران خان کے ساتھ ڈٹ کر کھڑے ہیں اور حق سچ کی آواز بلند کرتے رہیں گے، انشا اللہ۔
پہلے توہین عدالت کرکے فواد چوہدری اسلام آباد لیجانے سے روکنے پر ڈکیتی کا پرچہ درج کیا
اب FIA کی جانب سے من گھڑت انکوائری کا نوٹس مل گیا ہے۔ شہباز شریف رانا ثنا جتنی انتقامی کاروائیاں کرنی ہے کرلو عمران خان کیساتھ ڈٹ کھڑے ہے اور حق سچ کی آواز بلند کرتے رہے گے انشاللہ pic.twitter.com/NZWkAyFCs8— Farrukh Habib (@FarrukhHabibISF) February 18, 2023
