کراچی : پاکستان تحریک انصاف نے کسی بھی انتشار اورحملے سے بچنے کے لیے سیلف ڈیفنس فورس تیار کرلی۔

تفصیلات کے مطابق موجودہ سیاسی بحران میں پاکستان تحریک انصاف نے سیلف ڈیفنس فورس تیار کرلی، اس حوالے سے پی ٹی آئی سینیر نائب صدر سندھ راجہ اظہر نے ویڈیو جاری کردی ہے۔

راجہ اظہر نے ویڈیو پیغام میں کہا ہے کہ کسی بھی انتشار اور حملہ سے بچنے کے لیے سیلف ڈیفنس فورس تیار کی، کراچی سے سو سے زائد جوان اس فورس کا حصہ ہیں۔

پی ٹی آئی سینیر نائب صدر سندھ کا کہنا تھا کہ پر امن لوگ ہیں لیکن اگر مخالفین نے حملہ کیا تو بھرپور جواب دیں گے، پی پی کارکنان گورنر ہاوس یا قصر ناز گئے تو ہم سی ایم ہاوس اور بلاول ہاوس بھی جانا جانتے ہیں۔

Comments