اسلام آباد : 9انسداد دہشت گردی عدالت کی جانب سے 9 مئی کے کیسز میں بانی پی ٹی آئی اور شاہ محمود قریشی پر آج فرد جرم عائد ہونے کا امکان ہے۔
تفصیلات کے مطابق بانی پی ٹی آئی اور شاہ محمود قریشی کے خلاف 9 مئی کے کیسز کے معاملے پر انسداد دہشت گردی عدالت کے جج ملک اعجاز آصف آج اڈیالہ جیل میں سماعت کریں گے۔
عدالت نے سابق وزیر داخلہ شیخ رشید کو بھی طلب کر رکھا ہے، لاہور اے ٹی سی نے بانی پی ٹی آئی کی ویڈیو لنک پر حاضری لگوانے کیلئے جیل حکام کو ہدایات جاری کردی ہے۔
سماعت میں نو مئی کے کیسز میں نامزد پی ٹی آئی کے 498 کارکنوں کو بھی پیش کیا جائے گا جبکہ بانی پی ٹی آئی اور شاہ محمود قریشی پر فرد جرم عائد ہونے کا امکان ہے۔
جس کے بعد نو مئی کے کیسز میں گرفتار و ضمانت پر تمام 498 ملزمان کا باقائدہ ٹرائل شروع کیا جائے گا۔
یاد رہے پی ٹی آئی رہنما واثق قیوم، عمر تنویر بٹ اور صداقت عباسی نو مئی کے کیسز میں وعدہ معاف گواہ بن چکے ہیں اور تینوں رہنماؤں نے نو مئی کے کیسز میں 164 کا بیان ریکارڈ کرادیا ہے۔
