آزادی اظہار کے تحفظ اور میڈیا کی آزادی کیلئے پی ٹی آئی نے منصوبہ بندی مکمل کر لی۔ 2روز تک آزادی اظہار کیخلاف بدترین کریک ڈاؤن کا معاملہ اٹھایا جائے گا۔
چیئرمین تحریک انصاف کی ہدایات پر مرکزی سیکرٹری جنرل اسدعمر نے آزادی اظہار کے تحفظ اور میڈیا کی آزادی کیلئے مشاورتی اجلاس منعقد کیا گیا جس میں اہم فیصلے کیے گئے۔
تحریک انصاف نے میڈیا کی آزادی کے لیے منصوبہ بندی مکمل کرتے ہوئے پارٹی ذمہ داران کو ہدایات جاری کر دی ہیں۔
طے کیا گیا کہ بدھ17 اگست کو میڈیا اور صحافیوں کو ہراساں کرنےکیخلاف احتجاج کیا جائےگا۔ وفاقی دارالحکومت میں مظاہرےکی قیادت مرکزی سیکرٹری جنرل اسدعمر کریں گے۔
جمعرات 18 اگست کو اسلام آباد میں بڑے قومی سیمینار کا اہتمام کیا جائےگا۔ آزادی اظہار، میڈیا کا تحفظ‘‘کے عنوان سے سیمینار سےعمران خان خطاب کریں گے۔
سیمینار سے مختلف اہلِ فکرودانش اور سینئر صحافی بھی مخاطب ہوں گے۔ تمام شعبہ ہائےزندگی سے وابستہ افراد کو سیمینار میں مدعو کیا جا رہا ہے۔ پرنٹ، الیکٹرانک، سماجی میڈیا کی کلیدی شخصیات کو بھی بطور خاص مدعو کیا جا رہا ہے۔
