site
stats
پاکستان

تحریک انصاف کا جاوید لطیف کیخلاف ریفرنس بھیجنے کا فیصلہ

اسلام آباد : تحریک انصاف کے اجلاس میں جاوید لطیف کی رکینیت ختم کرنے کے لئے اسپیکر کو ریفرنس بھیجنے کا فیصلہ کیا گیا ہے جبکہ اسپیکرایاز صادق نے واقعے کو افسوسناک قرار دے دیا۔

تفصیلات کے مطابق پی ٹی آئی نے میاں جاوید لطیف کیخلاف قانونی ہتھیار استعمال کرنے کا فیصلہ کر لیا ہے، میاں جاوید لطیف کیخلاف نااہلی کا ریفرنس اسپیکر کو بھجوایا جائے گا، تحریک انصاف پنجاب، کے پی کے، سندھ اسمبلی اور سینیٹ میں مذمتی قرارداد لائے گی۔

پی ٹی آئی کی جانب سے قومی اسمبلی میں تحریک استحقاق پیش کی جائے گی۔

یاد رہے گذشتہ روز پاکستان تحریک انصاف کے چیئرمین عمران خان نے اپنے ٹوئٹر پیغام میں جاوید لطیف کے سماجی بائیکاٹ کا اعلان کیا تھا اور کہا تھا کہ پی ٹی آئی کا کوئی نمائندہ ایسی کسی تقریب یا ٹی وی شو میں شرکت نہیں کرے گا جس میں جاوید لطیف کو بلایا گیا ہو۔


مزید پڑھیں : عمران خان کا جاوید لطیف کے سماجی بائیکاٹ کا اعلان


دوسری جانب اسپیکر قومی اسمبلی ایازصادق نے واقعے کو افسوس ناک قرار دیتے ہوئے کہا تھا اراکین کو اسمبلی میں آنے سے پہلے رویوں کو دیکھنا ہوگا۔

واضح رہے کہ گزشتہ روز قومی اسمبلی کے اجلاس میں عمران خان کے بیان کو غداری قرار دینے پر تحریک انصاف اور ن لیگ کے کارکنان میں تلخ کلامی ہوگئی تھی۔

بعد ازاں اجلاس سے باہر آنے کے بعد رکن تحریک انصاف مراد سعید اور ن لیگی رکن جاوید لطیف آپس میں گتھم گتھا ہوگئے تھے۔

Print Friendly, PDF & Email
20

Comments

comments

اس ویب سائیٹ پر موجود تمام تحریری مواد کے جملہ حقوق@2018 اے آروائی نیوز کے نام محفوظ ہیں

To Top