The news is by your side.

تحریک انصاف آج شہباز گل کی رہائی اور اے آر وائی نیوز کی بندش کے خلاف ریلی نکالے گی

اسلام آباد : تحریک انصاف آج شہباز گل کی رہائی اور اےآروائی نیوز کی بندش کے خلاف ریلی نکالے گی۔

تفصیلات کے مطابق تحریک انصاف نے شہباز گل کی رہائی اور اےآروائی نیوز کی بندش کے خلاف آج اسلام آباد میں ریلی نکالنے کا اعلان کردیا۔

عمران خان کنٹینر پر اسلام آباد میں زیرو پوائنٹ سے ایف نائن پارک تک ریلی کی قیادت کریں گے۔

تحریک انصاف آج شہباز گل کی رہائی اور اے آر وائی نیوز کی بندش کے خلاف ریلی نکالے گی۔

شہباز گل کی رہائی اور اے آر وائی نیوز کی بندش کیخلاف ریلی، عمران خان کی عوام کو شرکت کی دعوت

چیئرمین پی ٹی آئی عمران خان نے سماجی رابطے کی ویب سائٹ ٹوئٹر پر عوام کوریلی میں شرکت کی دعوت دیتے ہوئے کہا کہ ریلی ڈاکٹرشہبازگل کی حمایت اوراس پرتشددکیخلاف نکالی جارہی ہے ، ہم اے آر وائی نیوز کی بندش کیخلاف احتجاج کریں گے۔

گذشتہ روز عمران خان کا کہنا تھا کہ میڈیا کو بند کر کے ، تشدد کرکےاورخوف دلاکر چوروں کوہم پرمسلط کیا جا رہا ہے، اے آروائی نیوز ہمارا مؤقف پیش کرتا ہے، اس لیےاسے بند کیا جا رہا ہے۔

آج ملک بھرمیں ڈویژن کی سطح پربھی ریلیاں نکالیں گے۔ لاہور میں آج شام ریلی کا آغازلبر ٹی چوک سے ہوگا، ریلی فیروزپور روڈ سے ہوتے ہوئے داتا دربار پہنچے گی۔

Comments

یہ بھی پڑھیں