The news is by your side.

Advertisement

پی ٹی آئی کی سینیئر قیادت بنی گالہ طلب

اسلام آباد: اتحادی جماعتوں کے بے رخی اور پارٹی میں ٹوٹ پھوٹ پر وزیراعظم عمران خان نے بڑا فیصلہ کیا ہے۔

اے آر وائی نیوز کے مطابق قومی اسمبلی کااجلاس کب بلایا جائے؟وزیراعظم عمران خان نے سینئر قیادت کو مشاورت کےلئے بنی گالہ بلا لیا ہے۔

اہم ترین اجلاس میں پرویز خٹک، علی زیدی، فواد چوہدری اور شفقت محمود شرکت کریں گے، جس میں وزیراعظم اتحادی جماعتوں کے بے رخی اور پارٹی میں ٹوٹ پھوٹ پر تبادلہ خیال کیا جائے گا۔

اجلاس میں سینئر قیادت گزشتہ روز اسپیکر سےہونے والی ملاقات سے وزیراعظم کو آگاہ کریگی، اجلاس میں وزیراعظم عمران خان قومی اسمبلی کا اجلاس بلانے کی حتمی منظوری دیں گے۔

گذشتہ روز گورنر سندھ عمران اسماعیل نے اپنی ہی جماعت پاکستان تحریک انصاف کے اراکین قومی اسمبلی کو وارننگ دیتے ہوئے کہا تھا کہ دیکھتے ہیں کون مائی کا لال اسمبلی جاتا ہے؟ تحریک انصاف کا جو رکن قومی اسمبلی وزیر اعظم عمران خان کے خلاف تحریک عدم اعتماد پر ووٹ دے گا اس کا جینا دشوار بنا دیں گے۔

یہ بھی پڑھیں: گورنر سندھ نے اپنی ہی پارٹی کے ارکان اسمبلی کو وارننگ دے دی

خیال رہے کہ کچھ روز قبل وفاقی وزیر اسد عمر نے اے آر وائی نیوز کے پروگرام ”پاور پلے“ میں گفتگو کے دوران کہا تھا کہ اپوزیشن کی تحریک عدم اعتماد سے متعلق ہم نے حکمت عملی بنالی ہے، اس دن کوئی رکن اسمبلی نہیں جائے گا، اگر کوئی رکن اسمبلی جاتا ہے تو اس کے خلاف آرٹیکل 63 اے کے خلاف کارروائی کریں گے۔

دوسری جانب وزیراعظم عمران خان نے بذات خود ارکان قومی اسمبلی سے ملاقاتوں کا فیصلہ کیا ہے، جس کا مقصد ارکان قومی اسمبلی کے تحفظات دور کرنا ہے۔

ذرائع کے مطابق وزیراعظم اپنےارکان اسمبلی کوپارٹی گائیڈلائینز سےبھی آگاہ کریں گے۔

Comments

یہ بھی پڑھیں