کوہاٹ: تحریک انصاف آج کوہاٹ میں سیاسی قوت کامظاہرہ کرےگی۔
تفصیلات کے مطابق حقیقی آذادی تحریک کے سلسلے میں تحریک انصاف آج کوہاٹ میں سیاسی قوت کامظاہرہ کرےگی، جلسے کے لئے اسپورٹس کمپلیکس میں تیاریاں آخری مراحل میں داخل ہوگئیں ہیں، مرکزی قائدین کے لئے چالیس فٹ چوڑا اور تیس فٹ لمبا اسٹیج تیارکیاگیاہے۔
جلسےسے چیئرمین تحریک انصاف عمران خان5بجےخطاب کریں گے، جلسےکی سیکیورٹی کیلئےایک ہزارپولیس اہلکارتعینات کیےجائیں گے۔
کوہاٹ جلسہ :
چئیرمین پی ٹی آئی عمران خان آج کوہاٹ میں جلسہ عام سے خطاب کریں گے۔
#KohatJalsa
#امپورٹڈ_حکومت_نامنظور pic.twitter.com/kFoJ45BKyA— PTI (@PTIofficial) May 17, 2022
گذشتہ روز صوابی میں پی ٹی آئی کے جلسہ عام سے خطاب کرتے ہوئے عمران خان نے کہا کہ ہم ان چوروں، غلاموں کو کبھی تسلیم نہیں کریں گے صرف الیکشن چاہتے ہیں ہم چاہتےہیں عوام فیصلہ کریں ملک کی قیادت کون کرےگا؟ میرے خلاف یہ سب اکھٹے ہو گئے ڈیزل اور اسٹوجز ان سب کی سیاست کا جنازہ اکھٹا نکلے گا۔
عمران خان نے کہا کہ اس وقت 60فیصدکابینہ تو ضمانت پر بیٹھی ہے پرائم منسٹر نہیں کرائم منسٹراس وقت خودضمانت پرہے ان کے بیٹے پر ایف آئی اے کے 40 ارب کے کیسز ہیں کرائم منسٹرکابھائی اس وقت عدالتی مفرورہےلندن میں بیٹھاہے جس ملک میں ایسےلوگوں کو بڑے عہدوں پر بٹھا دیا جاتا ہے تو وہ تباہ ہو جاتا ہے۔
