15.6 C
Ashburn
منگل, مئی 21, 2024
اشتہار

پاکستان تحریک انصاف کے ایک اور اہم رہنما کا پارٹی چھوڑنے کا اعلان

اشتہار

حیرت انگیز

اسلام آباد : پاکستان تحریک انصاف کے رہنما عامرکیانی نےپارٹی چھوڑنے کی تصدیق کرتے ہوئے کہا پارٹی ہی نہیں سیاست بھی چھوڑ رہا ہوں۔

تفصیلات کے مطابق پاکستان تحریک انصاف کے رہنما عامرکیانی نے پی ٹی آئی کو خیرباد کہہ دیا ، اے آروائی نیوز سے گفتگو میں عامرکیانی نے پارٹی چھوڑنےکی تصدیق کردی۔

پی ٹی آئی رہنما نے کہا کہ پارٹی ہی نہیں سیاست بھی چھوڑ رہا ہوں، فیصلہ 2 ماہ پہلےکرلیا تھا اعلان آج کروں گا، میرے آباؤ اجداد فوج میں ہیں، محاذ آرائی نہیں بنتی۔

- Advertisement -

اےآروائی نیوز کی جانب سے سوال کیا کہ کیا فیصلے سےقبل عمران خان کو آگاہ کیا؟ جس پر عامر کیانی کا کہنا تھا کہ میری ایک ماہ سےعمران خان سےبات نہیں ہوئی، میرے ساتھ اورلوگ نہیں ہیں ،اکیلا اعلان کروں گا۔

گذشتہ روز ایم این اے محمود مولوی نے 9 مئی کو فوجی املاک کو نقصان پہنچانے پر پاکستان تحریک انصاف چھوڑنے کا اعلان کیا تھا، محمود مولوی عامر لیاقت کے انتقال پر خالی ہونیوالی نشست پر ایم این اے منتخب ہوئے تھے۔

محمود مولوی کا کہنا تھا کہ میں بطور ایم این اے استعفیٰ دے رہا ہوں، پارٹی چھوڑنے کی اصل وجہ یہ ہے کہ میں فوج کیخلاف نہ گیا ہوں نہ جاؤں گا، سیاسی جماعتیں بدلی جاسکتی ہیں مگر ہم فوج کو نہیں بدل سکتے۔

انھوں نے مزید کہا تھا کہ 9مئی کو وہ کام ہوا ہے جو بھارت کا باپ بھی نہیں کرسکا، آج پاکستان اسی فوج کی بدولت سلامت اورایٹمی قوت ہے ، میں کبھی پاک فوج کیخلاف نہیں گیا اور نہ جاؤں گا۔

Comments

اہم ترین

عبدالقادر
عبدالقادر
عبدالقادر پچھلے 8برس سے اے آر وائی نیوز میں بطور سینئر رپورٹر خدمات انجام دے رہے ہیں، آپ وزیراعظم عمران خان اور حکمراں جماعت پاکستان تحریک انصاف سے جڑی خبروں اور سیاسی معاملات پر گہری نظر رکھتے ہیں۔

مزید خبریں