The news is by your side.

اسحاق ڈار کی واپسی، تحریک انصاف کے رہنماوں کی کڑی تنقید

اسلام آباد :تحریک انصاف کے رہنماؤں نے اسحاق ڈار کی وطن واپسی پر کڑی تنقید کی اور کہا ڈار کی انٹری ایک نئے بحران کے سوا کچھ نہیں۔

تفصیلات کے مطابق تحریک انصاف کے رہنما فواد چوہدری نے اسحاق ڈار کی وطن واپسی کے حوالے سے سماجی رابطے کی ویب سائٹ ٹوئٹر پرڈار انٹری کو ایک نیا بحران قرار دیتے ہوئے کہا ڈار کی انٹری ایک نئے بحران کے سوا کچھ نہیں۔

پی ٹی آئی رہنما شفقت محمود نے اپنے ٹوئٹ میں لکھا آڈیولیکس نےتصدیق کردی، پچھلے کچھ دنوں میں لندن میں کیا کچھ ہوتا رہا،امپورٹڈ حکومت کےتمام بڑے فیصلے دراصل لندن سے امپورٹ ہوتے ہیں،غیر منتخب اور سزا یافتہ شخص نواز شریف ہر چیز کا فیصلہ کرتا ہے۔

سابق وفاقی وزیر علی زیدی نے بھی ٹوئٹر پر اسحاق ڈار کی واپسی پر کڑی تنقید کرتے ہوئے کہا کہ ایک منی لانڈرر کی جگہ دوسرے منی لانڈرر کووزیر خزانہ لگایا جارہا ہے،کیا ہماری قوم چند مجرم خاندانوں کےمفادات کو پورا کرنے کیلئے ہے؟

ان کا کہنا تھا کہ جنہوں نے ملک لوٹا انہیں دوبارہ ہم پر مسلط کردیا گیا، ہماری غیرت کو کیا ہوا؟ ہماری اخلاقیات کہاں کھو گئی؟ ملک کی سالمیت اور وقار کو داؤ پر لگا دیا گیا، انصاف اور احتساب کے پیمانے بدل دیے گئے۔

Comments

یہ بھی پڑھیں