The news is by your side.

Advertisement

عمران خان کو ڈی چوک پر حلف اٹھانے کا مشورہ

اسلام آباد: پاکستان تحریکِ انصاف کے چیئرمین عمران خان کو الیکشن 2018 میں روایتی سیاسی جماعتوں کو شکستِ فاش دینے کے بعد نیا مشورہ مل گیا ہے، ان سے کہا گیا ہے کہ وہ ڈی چوک پر حلف اٹھائیں۔

تفصیلات کے مطابق وفاق میں حکومت سازی کے سلسلے میں جاری سرگرمیوں کے دوران عمران خان کی وزارتِ عظمیٰ کی حلف برداری کا معاملہ بھی زیرِ بحث آ گیا ہے۔

عمران خان کو مشورہ دیا گیا ہے کہ وہ کسی عوامی مقام پر حلف اٹھائیں، جس سے روایتی پاکستانی سیاست پر ایک اور کاری ضرب پڑ جائے گی، اور ’اسٹیٹس کو‘ بھی کم زور ہو جائے گا۔

ذرائع کا کہنا ہے کہ چیئرمین تحریکِ انصاف کو حلف اٹھانے کے لیے کئی عوامی مقامات کا مشورہ دیا گیا ہے جن میں اسلام آباد کے مشہور پریڈ گراؤنڈ سمیت دیگر آپشنز بھی زیر غور لائے جا رہے ہیں۔

افغان صدر کا عمران خان کو ٹیلی فون، انتخابات میں کامیابی پر مبارک باد

ذرائع نے کہا ہے کہ ملک کے نئے وزیرِ اعظم کا کسی عوامی مقام پر حلف برداری کی تقریب کا انعقاد ایک حساس معاملہ ہے، جس کی وجہ سے عوامی مقام پرحلف برداری سیکورٹی کلیئرنس سے مشروط ہے۔

واضح رہے کہ الیکشن 2018 میں عمران خان ملک کی بڑی سیاسی جماعتوں کو بڑی شکست دے کر وفاق میں حکومت سازی کی پوزیشن میں آگئے ہیں جس کے لیے تیاریاں عروج پر ہیں۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں