لاہور : مبینہ دھاندلی کیخلاف احتجاج پر تحریک انصاف کے رہنما سلمان اکرم راجہ کو حراست میں لے لیا گیا۔
تفصیلات کے مطابق پولیس نے دھاندلی کیخلاف احتجاج پر پی ٹی آئی رہنما سلمان اکرم راجہ کوپولیس نےحراست میں لے لیا ، سلمان اکرم راجہ کوپی ٹی آئی جیل روڈآفس کے باہر سے حراست میں لیا گیا۔
خیال رہے پاکستان تحریک انصاف کی طرف سے آج ملک بھر میں احتجاج کی کال دے رکھی ہے اور انتخابات میں مبینہ دھاندلی کے خلاف عوام سے باہر نکل کر اپنا احتجاج ریکارڈ کرنے کی درخواست کی ہے۔
شمالی پنجاب میں راولپنڈی کے علاقے ایف نائن پارک، جہلم کے الیکشن کمیشن آفس، اور میانوالی میں بھی پی ٹی آئی ورکرز کی جانب سے احتجاج کیا جائے گا جبکہ ملتان، بہالپور میں آج احتجاج کی کال دی گئی ہے ۔
کورکمیٹی اجلاس کےاعلامیے میں مطالبہ کیا تھا کہ چیف الیکشن کمشنرمستعفی ہوں، چیف الیکشن کمشنراورالیکشن کمیشن کےمجرمانہ کردارپرسب آوازیں اٹھارہےہیں۔ عوام ووٹ کی حرمت کیلئے پُرامن صدائے احتجاج بلند کریں۔
