لاہور: انسداد دہشت گردی عدالت نے نو مئی کوکلمہ چوک پر کنٹینر جلانے کے مقدمے میں پی ٹی آئی کے آٹھ روپوش رہنماؤں کو اشتہاری قراردے دیا۔
تفصیلات کے مطابق 9مئی کو کلمہ چوک پر کنٹینر جلانے کے مقدمے میں پیش رفت سامنے آئی ، انسداد دہشت گردی عدالت میں مقدمے کی سماعت ہوئی۔
انسداد دہشت گردی عدالت کے جج ارشد جاوید نے سماعت کی ، عدالت نے 8 روپوش پی ٹی آئی رہنماؤں کواشتہاری قرار دے دیا۔
عدالت نے میاں اسلم اقبال ، حماد اظہر ، مراد سعید، زبیر خان نیازی، حامد رضا گیلانی، محمد جاوید، عبد الصمد اور واثق قیوم کو اشتہاری قرار دیا۔
عدالت نے پی ٹی آئی رہنماؤں کے دائمی وارنٹ گرفتاری جاری کردیے ، عدالت نےتھانہ نصیرآبادمیں درج مقدمےمیں پولیس درخواست پر کارروائی کی۔
مزید پڑھیں : مراد سعید اس وقت کہاں روپوش ہے؟
یاد رہے وفاقی وزیر اطلاعات و نشریات عطا اللہ تارڑ نے پاکستان تحریک انصاف (پی ٹی آئی) کے مفرور رہنما مراد سعید کی موجودگی سے متعلق اہم بیان دیا تھا۔
عطا اللہ تارڑ نے بتایا تھا کہ مراد سعید وزیر اعلیٰ خیبر پختونخوا ہاؤس میں روپوش ہے، مراد سعید نا صرف احتجاج میں شریک تھا بلکہ جتھے ساتھ لایا تھا۔
