اسلام آباد: تحریک انصاف کے رہنما شاہ محمود قریشی نے کہا کہ نیوز گیٹ کے معاملے پر تاحال وقت ضائع کیا جارہاہے،نثار نے 48گھنٹوں میں حقائق سامنے لانے کا کہاتھا، پاناما لیکس میں تاثر دیا جارہا ہے کہ پی ٹی آئی ثبوت پیش نہ کرسکی، شواہد پیش کرکے مریم نواز کی کفالت ظاہر کریں گے۔
Will try to expose rulers: Shah Mehmood Qureshi by arynews
پریس کانفرنس کرتے ہوئے انہوں نے کہا کہ جاننا چاہتے ہیں کہ خبر کسی نے فیڈ کی اور باہر کیسے گئی؟چوہدری نثار نے خود کہا تھا کہ یہ بڑا اسکینڈل ہے اور 48 گھنٹے میں حقائق سے آگاہ کردیں گے لیکن تاحال نیوز گیٹ کے معاملے پر وقت ضائع کیا جارہا ہے۔
انہوں نے کہا کہ ایک کمیشن بنایا گیا اور اسے بھی 35 دن کا وقت دیا، کمیشن کا سربراہ ایک ریٹائرڈ جج کو بنایا گیا جس کی حکومت سے وابستگی کا پتا چلا ہےاور اس جج کی صاحبزدی حکومتی عہدے پر تعینات ہے،پی ٹی آئی سمیت دیگر جماعتوں نے بھی کمیشن پر اعتراض کیا ہے۔
پاناما لیکس کے معاملے پر انہوں نے کہا کہ تاثر دیا جارہا ہے کہ پی ٹی آئی ٹھوس ثبوت دیے میں ناکام ہوگئی، کوشش ہے کہ قوم کے سامنے حکمرانوں کا اصلی چہرہ بے نقاب کریں گے۔
انہوں نے کہا کہ مقدمے میں تاثر دیا جارہا ہے کہ نواز شریف نے اثاثے 2005ء کے بعد بنائے اور کوشش کی جارہی ہے کہ مریم نواز کو کفالت میں ظاہر نہ کیا جائے،شواہد ہیں اور شریف برادران کہہ چکے ہیں کہ مریم زیر کفالت تھیں،نواز شریف نے اثاثے کب بنائے اس کا فیصلہ عدالت میں ہوگا، عدالت میں ثابت کریں گے کہ مریم نواز شریف کے زیر کفالت تھیں۔
جہانگیر ترین نے کہا کہ کلثوم نواز نے تسلیم کیا تھا کہ یہ فلیٹ بچوں کے لیے خریدا گیا۔
اسد عمر نے کہا کہ مریم نواز نے جو ٹیکس دیا وہ ان کی آمدنی کے ذرہ برابر بھی نہیں، مریم نواز نے قوم کو بتادیا کہ والد کے ساتھ رہتی ہوں۔
