لاہور : وزیراعلیٰ پنجاب حمزہ شہباز نے لانگ مارچ اسلام آباد جانیوالے والے تمام راستے بند کرنے اور پنجاب کے تمام اضلاع سے اسلام آباد جانیوالی ٹرانسپورٹ بھی بند کرنے کا حکم دے دیا۔
تفصیلات کے مطابق وزیراعلیٰ پنجاب حمزہ شہباز کی زیر صدارت اجلاس ہوا ، جس میں اہم فیصلے کئے گئے۔
اجلاس میں وزیراعلیٰ پنجاب نے لانگ مارچ اسلام آباد جانیوالے والے تمام راستےبند کرنے اور پنجاب کےتمام اضلاع سے اسلام آباد جانیوالی ٹرانسپورٹ بھی بند کرنےکاحکم دے دیا۔
حمزہ شہباز نے کہا کہ کسی کوقانون ہاتھ میں لینےکی اجازت نہیں دی جائے گی ، 16ایم پی اوکےتحت ان افراد کوگرفتار کیاجائےجنکےنام فہرست میں ہیں ، عوام کےتحفظ کیلئےبھر پور اقدامات اٹھائے جائیں اور امن ائم رکھنے کےلئےمزیداقدامات بھی جائیں۔
محکمہ داخلہ پنجاب میں اسپیشل کنٹرول روم قائم،ضلعی پولیس افسران کوالرٹ رہنے کاحکم دے دیا ہے ، اسپیشل مانیٹرنگ سیل کی سربراہی ایڈیشنل چیف سیکرٹری داخلہ سیدعلی مرتضیٰ کریں گے۔
آئی جی پنجاب نے بریفنگ میں بتایا کہ لاہورسے63افراد ، صوبہ بھر سے296افرادگرفتارکئے، جس کے بعد وزیراعلیٰ پنجاب کےاحکامات پرعملدرآمد کے لئے تمام ضلعی انتظامیہ کو ہدایات جاری کردی گئیں۔
