The news is by your side.

Advertisement

شیخ رشید کے پہنچنے سے پہلے پولیس نے لال حویلی کا محاصرہ کر لیا

راولپنڈی: سابق وزیر داخلہ شیخ رشید کے پہنچنے سے پہلے پولیس نے لال حویلی کا محاصرہ کرتے ہوئے 15 کارکنان کو گرفتار کرلیا۔

تفصیلات کے مطابق پولیس نے ایک بار پھر لال حویلی پر چھاپہ مارتے ہوئے 15 کارکنان کو گرفتار کرلیا اور شیخ رشید کے پہنچنے سےپہلے پولیس نے لال حویلی کا محاصرہ کر لیا۔

یاد رہے سابق وزیر داخلہ شیخ رشید نے اپنے بیان میں کہا تھا کہ 2سے 3بجےکے درمیان لال حویلی پہنچوں گا اور پرامن ریلی کی قیادت کرکے اسلام آباد جاؤں گا ، لال حویلی کے راستے بند کئے گئے ہیں، لال حویلی اور اسلام آباد دفتر میں کئی بار چھاپے مارے گئے ہیں لیکن قافلے کی قیادت کےلئے اپنے وقت پر میں پہنچوں گا۔

شیخ رشید کا کہنا تھا کہ راولپنڈی کے لوگوں سے درخواست ہے نکلیں اورعظیم تحریک کاحصہ بنیں ، یہ تحریک چوروں، لٹیروں ،سازشیوں کو نیست و نابود کرنےجارہی ہے۔

انھوں نے کہا تھا کہ پاکستان بننے جا رہا ہے ایک قوم بننے جارہی ہے، ایسے حالات پرفوج ،عدلیہ پر ذمہ داری عائد ہوتی ہے، نیوکلیئر ملک اور اس کی معیشت کو سازشیوں کے ہاتھوں تباہ کیا جارہا ہے۔

Comments

یہ بھی پڑھیں