وفاقی وزیر شازیہ مری نے کہا ہے کہ پی ٹی آئی ارکان استعفےکی تصدیق کریں تاکہ ضمنی الیکشن کروائےجائیں پی ٹی آئی ارکان منت ترلےکر رہے ہیں ہمارا استعفی قبول نہ کریں۔
اسلام آباد میں پریس کانفرنس کرتے ہوئے شازیہ مری نے کہ اکہ 2014 میں بھی استعفےکا ڈرامہ کیا اب بھی ڈرامہ کر رہے ہیں پی ٹی آئی ارکان پارلیمنٹ لاجزمیں رہتےہیں پی ٹی آئی ارکان تمام مراعات حاصل کر رہے ہیں۔
انہوں نے کہا کہ قومی اسمبلی اجلاس میں نہیں آتے شرم نہیں آتی کیا ان کو، پی ٹی آئی ارکان منت ترلےکر رہے ہیں ہمارا استعفی قبول نہ کریں سابق اسپیکر سرکاری گاڑی کوابوکی ملکیت سمجھ کر چلا رہے ہیں پی ٹی آئی کوسیاسی جماعت کہناسیاسی جماعتوں کی توہین ہے۔
لائیو: وفاقی وزیر تخفیف غربت اور سماجی تحفظ شازیہ مری اور سیکرٹری اطلاعات پاکستان پیپلز پارٹی فیصل کریم کنڈی، پی آئی ڈی میں پریس کانفرنس کررہے ہیں۔ https://t.co/ju81tYFQTH
— PPP (@MediaCellPPP) May 31, 2022
ان کا کہنا تھا کہ ایک صوبے کے وسائل وفاق پر یلغار کیلئے استعمال کرنا ناقابل قبول ہو گا سابق وزیر اعظم نے اعتراف کیاکہ ان کےلانگ مارچ میں مسلح افراد تھے گالم گلوچ بریگیڈاب گوگی بچاؤ مہم چلارہی ہے یہ ملک دیوالیہ ہونے جا رہا تھا تو سیاسی جماعتوں نےاسےبچایا اب عمران خان امن و امان کیلئےخطرہ بنتےجا رہے ہیں۔
وفاقی وزیر نے کہا کہ پرامن احتجاج کرسکتےہیں لیکن اسلحہ ہاتھ میں لیناقابل قبول نہیں احتجاج کے دوران ایک پولیس اہلکار کو شہیدکر دیا گیا سابق وزیر اعظم انتشار کی پشت پناہی کر رہے ہیں۔
