کراچی : شیر شاہ میں دھماکے میں پاکستان تحریک انصاف کے ایم این اے عالمگیرخان کے والد جاں بحق ہوگئے ، خرم شیرزمان،راجہ اظہراور ارسلان تاج نے تصدیق کردی ہے۔
تفصیلات کے مطابق کراچی کے علاقے شیر شاہ میں ہونے والے دھماکے میں پاکستان تحریک انصاف کے ایم این اےعالمگیرخان والد بھی جاں بحق ہوگئے،
دلاور خان دھماکے کے وقت جائے وقوعہ پر موجود تھے۔
پی ٹی آئی رہنما خرم شیرزمان، راجہ اظہراورارسلان تاج نے عالمگیرخان کے والد جاں بحق ہونے کی تصدیق کردی ہے۔
یاد رہے شیرشاہ پراچہ چوک کے قریب عمارت میں دھماکا ہوا ، جس کے نتیجے میں 11افرادجاں بحق اور 12زخمی ہوگئے ، جاں بحق افرادکی لاشوں اورزخمی افرادکواسپتال منتقل کردیاگیا ہے۔
ترجمان پولیس کا کہنا ہے کہ بظاہرنالےمیں گیس بھرجانے سے دھماکا ہوا، دھماکے سے عمارت کو شدید نقصان پہنچا جبکہ متعددگاڑیوں کو بھی نقصان ہوا۔
2 منزلہ عمارت نالے پر تعمیرکی گئی تھی ، جس میں بینک اوردیگردفاترموجودتھے ، ملبے کے نیچے لوگوں کے دبے ہونے کا خدشہ ہے تاہم امدادی کارروائیاں جاری ہے۔
