اسلام آباد: پاکستان تحریک انصاف نے انتخابی نتائج پر ریٹرننگ افسران کے خلاف آج احتجاج کا اعلان کر دیا ہے۔
تفصیلات کے مطابق پی ٹی آئی رہنماؤں نے آج پریس کانفرنس میں انتخابی نتائج میں بڑی رد و بدل پر احتجاج کی کال دی ہے، بیرسٹر گوہر علی خان نے کہا عوام نے بانی پی ٹی آئی کے’غلامی نامنظور‘ کے ویژن پر مکمل اعتماد کا اظہار کر دیا ہے۔
دریں اثنا حماد اظہر نے ایک ٹوئٹ میں کہا ہے کہ آج ہونے والے تمام احتجاج مؤخر کیے جاتے ہیں، آج صرف آر اوز دفاتر کے باہر احتجاج ہوگا، جہاں نتائج تبدیل کیے گئے، خاص طور پر ایسے عناصر سے ہوشیار رہیں جو توڑ پھوڑ یا جلاؤ گھیراؤ کی کوشش کریں۔
PTI is a peaceful party that has ushered in a revolution through the ballot. Our mandate is being stolen but we will not allow our struggle to be hijacked by nefarious designs.
Therefore today’s protests at all central points cancelled. Workers to protest only outside RO offices… https://t.co/UNwMw6wTFW— Hammad Azhar (@Hammad_Azhar) February 11, 2024
بیرسٹر گوہر نے کہا ’’تمام مشکلات کے باوجود عوام نے گھروں سے نکل کر پی ٹی آئی کو واضح مینڈیٹ سے نوازا، لیکن نتائج کے ساتھ چھیڑ چھاڑ سے جمہوریت پر شب خون مارنے کی کوشش کی جا رہی ہے۔‘‘
انھوں نے واضح کیا کہ ’’ایسی کوئی کوشش سود مند ثابت ہوگی نہ عوام اپنے ووٹ کی بے حرمتی گوارا کریں گے، پی ٹی آئی کی واضح جیت کو شکست میں بدلنے والے آر اوز کے خلاف آج پرامن احتجاج کریں گے۔‘‘
ایم کیو ایم کے ساتھ اتحاد ہو سکتا ہے، بیرسٹر گوہر کی اے آر وائی نیوز سے گفتگو
بیرسٹر گوہر نے عوام سے اپیل کی کہ مینڈیٹ کے تحفظ کے لیے پرامن احتجاج کا بنیادی آئینی، جمہوری اور سیاسی حق استعمال کریں، مرکز، پنجاب اور کے پی میں واضح اکثریت پر حکومت سازی پی ٹی آئی کا آئینی و جمہوری حق ہے۔ انھوں نے کہا ’’پاکستان کا مفاد عوام کے مینڈیٹ کے مکمل احترام میں پوشیدہ ہے، اسے مقدّم رکھا جائے۔‘‘
