اسلام آباد : تحریک انصاف کے رہنما فواد چوہدری نے حکومت کی جانب سے مذاکرات کی دعوت پر کہا کہ یہ صرف آزادی مارچ کو انگیج کرنے کیلئے ہیں۔
تفصیلات کے مطابق تحریک انصاف کے رہنما فواد چوہدری نے سماجی رابطے کی ویب سائٹ ٹوئٹر پر حکومت کی جانب سے پی ٹی آئی سے بات جیت کے لئے کمیٹی کی تشکیل پر درعمل دیتے ہوئے کہا کہ حکومت کی مذاکرات کی دعوت کی خبریں غیر سنجیدہ ہیں،ایک طرف تحریک انصاف کے کارکنوں کو گرفتار کیا جا رہا ہے۔
فواد چوہدری کا کہنا تھا کہ حقیقی آزادی مارچ کی کوریج پرپابندیاں ہیں، دوسری طرف ایک غیرسنجیدہ کمیٹی کی تشکیل کی خبریں ، یہ خبریں صرف آزادی مارچ کوانگیج کرنےکیلئے ہیں، یہ چالاکیاں نہیں چلنی انتخاب کی تاریخ دیں۔
حکومت کی مذاکرات کی دعوت کی خبریں غیر سنجیدہ ہیں،ایک طرف تحریک انصاف کے کارکنوں کو گرفتار کیا جا رہا ہے، #حقیقی_آزادی_مارچ کی کوریج پر پابندیاں ہیں دوسری طرف ایک غیر سنجیدہ کمیٹی کی تشکیل کی خبریں صرف آزادی مارچ کو انگیج کرنے کیلئے ہیں،یہ چالاکیاں نہیں چلنی انتخاب کی تاریخ دیں
— Ch Fawad Hussain (@fawadchaudhry) October 29, 2022
خیال رہے وزیراعظم شہباز شریف نے تحریک انصاف سے بات چیت کے لیے9 رکنی کمیٹی تشکیل دیتے ہوئے کہا مذاکرات کیلئے ہمارے دروازے ہمیشہ کھلے ہیں۔
زیر داخلہ رانا ثنااللہ کی زیر صدارت کمیٹی میں 9 ارکان شامل ہیں ، کمیٹی لانگ مارچ سےمتعلق امن وامان قائم رکھنے اور سیاسی بات چیت کیلئے قائم کی گئی ہے۔
اگرلانگ مارچ سے متعلق کسی نے بات کرنی ہے تو کمیٹی سے کی جائے گی۔
