The news is by your side.

Advertisement

تحریک انصاف آج چارسدہ میں عوامی طاقت کا مظاہرہ کرے گی

چارسدہ : پاکستان تحریک انصاف آج چارسدہ میں عوامی طاقت کا مظاہرہ کرے گی، عمران خان جلسے میں کارکنوں سےخطاب کریں گے۔

تفصیلات کے مطابق پی ٹی آئی چیئرمین عمران خان کے انتخابی مہم کے سلسلے میں طوفانی دورے جاری ہے ، عمران خان آج چارسدہ جائیں گے ، اس سلسلے میں جلسے کے تمام ترانتظامات مکمل کرلیے گئے۔

پی ٹی آئی کے کارکنوں نے جلسہ گاہ کو پارٹی پرچموں اور بڑے بڑے بینروں سے سجا دیا ہے جبکہ جلسہ گاہ میں 50 ہزار سے زائد کرسیاں لگائیں گئیں ہیں اور 80 فٹ لمبا اور 20 فٹ چوڑا اسٹیج تیارکرلیا گیا ہے۔

 عمران خان نے کراچی کیلئے نیا بلدیاتی نظام تجویزکردیا

گزشتہ روز اسلام آباد روانگی سے قبل کراچی میں میڈیا سے گفتگو کرتے ہوئے عمران خان کا کہنا تھا کہ کراچی کو صوبہ بنانے کی ضرورت نہیں بلکہ اسے میٹروپولیٹن بلدیاتی نظام کی ضرورت ہے، صوبے کی ضرورت تو پنجاب میں ہے، جہاں کی آبادی تین صوبوں کے برابر ہے اورستاون فیصد بجٹ لاہور پر خرچ کیا جارہا ہے۔

کراچی میں مختلف مقامات پر خطاب کرتے ہوئے عمران خان کا کہنا تھا کہ باریاں لینے والے آئندہ پانچ سال بھی عوام کے لئے کچھ نہیں‌ کریں گے، 25 جولائی فیصلے اور کراچی کو روشنیوں کا شہربنانے کا دن ہے، مسیحی برادری اور دیگر اقلیتیں بھی الیکشن میں بھرپورشرکت کریں۔

پی ٹی آئی چیئرمین نے کہا کہ جو لوگ نظام کو تباہ کرتے ہیں، وہ کبھی اسے ٹھیک نہیں کرسکتے، سندھ پولیس کے نظام کو تباہ کرنے والے خود اسے ٹھیک نہیں کریں گے، کرپشن انتہا کی ہوئی، نظام پرکوئی توجہ نہیں دی گئی۔


خبر کے بارے میں اپنی رائے کا اظہار کمنٹس میں کریں۔ مذکورہ معلومات کو زیادہ سے زیادہ لوگوں تک پہنچانے کے لیے سوشل میڈیا پر شیئر کریں۔

Comments

comments

یہ بھی پڑھیں