The news is by your side.

پی ٹی آئی کو ایک بار پھر جلسے کی تیاری سے روک دیا گیا

راولپنڈی: تحریک انصاف کو ایک مرتبہ پھرجلسے کی تیاری سے روک دیا گیا۔

تفصیلات کے مطابق پولیس حکام نے فیض آباد کے قریب حقیقی آزادی مارچ کی تیاریوں میں مصروف کارکنان کو تیاری سے روک دیا۔

پولیس حکام کا موقف تھا کہ جلسے کا اسٹیج فیض آباد کےقریب نہیں لگ سکتا، ابھی ابھی آرڈر ملے ہیں کہ جلسہ گاہ اوراسٹیج کا کام روک دیا جائے۔

واضح رہے کہ ایک دن میں یہ دوبار ہوا ہے کہ پی ٹی آئی کو فیض آباد کے قریب اسٹیج بنانے سے روکا گیا ہے۔

اب سے کچھ دیر قبل بھی پولیس حکام نے اسٹیج کی تیاری کا کام بند کرادیا تھا اور کام میں مصروف عملے سے شناختی کارڈز چھین لئےتھے۔

پولیس کا کہنا تھا کہ اوپر سےحکم آیا ہے یہاں اسٹیج نہیں بننے دیا جائے گا۔

یہ بھی پڑھیں: پولیس نے فیض آباد کے قریب تحریک انصاف کا اسٹیج بنانے سے روک دیا

خیال رہے پی ٹی آئی کو فیض آباد میں جلسے کی مشروط اجازت مل چکی ہیں لیکن ڈپٹی کمشنر راولپنڈی کی جانب سے اوچھے ہتھکنڈے استعمال کئے جارہے ہیں۔

ڈی سی نے پی ٹی آئی حکام کو متنبہ کیا کہ فیض آباد کو چھبیس نومبر کی رات ہی خالی کیا جائے گا، کسی کارکن کو بھی علامہ اقبال پارک میں رکنے کی اجازت نہیں ہوگی۔

Comments

یہ بھی پڑھیں