The news is by your side.

پی ٹی آئی کا آج الیکشن کمیشن کے باہر احتجاج ہوگا

الیکشن کمیشن کے خلاف پی ٹی آئی کی جانب سے آج وفاقی دارالحکومت سمیت ڈویژنل دفاتر کے باہر احتجاج کیا جائیگا۔

اے آر وائی نیوز کے مطابق پاکستان تحریک انصاف آج وفاقی دارالحکومت سمیت ملک بھر میں الیکشن کمیشن کے ڈویژنل دفاتر کے باہر احتجاجی مظاہرے کرے گی۔

اسلام آباد میں الیکشن کمیشن کے مرکزی دفتر کے باہر احتجاجی مظاہرے کیلیے پی ٹی آئی کے کارکن سیکٹر جی سکس ی کورڈ مارکیٹ میں جمع ہونگے جہاں سے وہ جلوس کی شکل میں الیکشن کمیشن کی جانب روانہ ہونگے۔

پی ٹی آئی کا موقف ہے کہ پارٹی منحرف اراکین کیخلاف فیصلہ آنے کے بعد اب تک الیکشن کمیشن کوئی اقدام نہیں کررہا جبکہ صرف پی ٹی آئی کیخلاف ہی یکطرفہ اقدامات کیے جارہے ہیں، الیکشن کمیشن کا رویہ متعصبانہ ہے اور اسی رویے کے خلاف آحتجاج کیا جارہا ہے۔

وفاقی دارالحکومت کے علاوہ ملک بھر میں بھی الیکشن کمیشن کے ڈویژنل ہیڈ کوارٹرز کے باہر احتجاجی مظاہرے کیے جائیں گے۔

جھنگ اور چینیوٹ میں پی ٹی آئی کارکنوں نے الیکشن کمیشن کے دفاتر کے باہر احتجاجی مظاہرہ کیا جس میں انہوں نے چیف الیکشن کمیشن کی برطرفی کا مطالبہ کیا ہے

مزید پڑھیں: پی ٹی آئی کا احتجاج، الیکشن کمیشن کی پارکنگ خالی کرالی گئی

واضح رہے کہ پی ٹی آئی کے احتجاج کے سلسلے میں وفاقی دارالحکومت سمیت ڈویژنل دفاتر کے باہر سیکیورٹی کے انتظامات انتہائی سخت کردیے گئے ہیں۔

Comments

یہ بھی پڑھیں