اسلام آباد: سپریم کورٹ کے تاریخ ساز فیصلے پر ملک بھر میں پاکستان تحریک انصاف کی جانب سے "یوم تشکر” منایا جارہا ہے، چیئرمین عمران خان کچھ دیر بعد قوم سے خطاب میں ٓآئندہ کے لائحہ عمل کا اعلان کرینگے۔
تفصیلات کے مطابق سپریم کورٹ کی جانب سے ڈپٹی اسپیکر پنجاب اسمبلی دوست محمد مزاری رولنگ کالعدم قرار دینے، پرویز الہیٰ کو وزیراعلیٰ پنجاب مقررکرنے کے تاریخ ساز فیصلے پر پاکستان تحریک انصاف نے آج ملک بھر میں یوم تشکر منانے کا اعلان کیا۔
Women celebrating….in F-9 Park… pic.twitter.com/LcYNl91xnf
— PTI Rwp Official (@PTIOfficialRWP) July 27, 2022
چیئرمین پی ٹی آئی کی ہدایت پر شہر شہر، گاؤں گاؤں اور قریہ قریہ عوام کا سمندر امنڈ آیا ہے کہیں شاندار آتش بازی کی جارہی ہے تو کہیں ڈھول کی تھاپ پر علاقائی رقص کیا جارہا ہے، جشن کی خاص بات یہ ہے کہ خواتین کے ساتھ بچوں کی بھی بڑی تعداد اس جشن میں شریک ہے۔
Dear Islamabad,
Let's gather tonight 08:00 pm at F-9 Park for "Youm-e-Tashakkur".
Chairman PTI Mr. Imran Khan's address will be shown live on big screen.#عوام_کی_جیت#پنجاب_تحریک_انصاف_کا pic.twitter.com/aDpvdrLv1v
— PTI Islamabad (@PTIOfficialISB) July 27, 2022
یوم تشکر کی مرکزی تقریب اسلام آباد کے ایف نائن پارک میں جاری ہے، جہاں پی ٹی آئی قائدین عوام سے مخاطب ہیں، جلسہ گاہ میں تل دھرنے کو جگہ نہیں، ہر جانب عوام کا سمندر موجزن ہے۔
پاکستان تحریک انصاف کے چیئرمین کچھ دیر بعد قوم سے مخاطب ہونگے اور اپنے خطاب میں آئندہ کے لائحہ عمل کا اعلان کرینگے، عمران خان کی تقریر کو سننے کے لئے شرکا میں بہت جوش وخروش پایا جاتا ہے۔