اسلام آباد : اسلام آباد ہائی کورٹ نے ممنوعہ فنڈنگ کیس میں الیکشن کمیشن کے فیصلے کے خلاف تحریک انصاف کی درخواست خارج کر دی۔
تفصیلات کے مطابق اسلام آباد ہائی کورٹ نے ممنوعہ فنڈنگ کیس میں الیکشن کمیشن کے فیصلے کے خلاف تحریک انصاف کی درخواست پر فیصلہ سنادیا۔
فیف جسٹس عامرفاروق پر مشتمل تین رکنی لارجر بنچ نے محفوظ فیصلہ سنایا۔
لارجر بنچ نے قرار دیا کہ الیکشن کمیشن نے جو فیصلہ دیا وہ بالکل ٹھیک ہے، الیکشن کمیشن کی فیکٹ فائنڈنگ رپورٹ بالکل درست ہے۔
عدالت نے اپنے فیصلے میں الیکشن کمیشن کی جانب سے پی ٹی آئی کو شوکاز نوٹس کو بھی درست قرار دیا۔
یاد رہے عدالت نے گیارہ جنوری کو فیصلہ محفوظ کیا تھا، الیکشن کمیشن کے مطابق پی ٹی آئی پر ممنوعہ فنڈز لینے کے الزامات ثابت ہوئےہیں۔
انتخابی ادارے نےتحریک انصاف کو شوکازنوٹس بھی جاری کررکھاہے، پی ٹی آئی کواب شوکازنوٹس کا جواب دینا ہوگا، اگر کمیشن مطمئن نہ ہوا تو یہ فنڈز بحق سرکار ضبط کرلیےجائیں گے۔
پولیٹکل پارٹیزآرڈر دوہزاردو اورالیکشن ایکٹ دوہزارسترہ کے سیکشن 204 میں فارن فنڈنگ یا بیرونی ممنوعہ فنڈنگ کا ذکر ہے۔
