پاکستان ٹیلی وژن کے معروف اداکار سلطان خان کو 8 دسمبر 1994ء کو قتل کردیا گیا تھا۔ آج ان کی برسی ہے۔ ان پر نامعلوم افراد کی جانب سے فائرنگ کی گئی تھی جس کے نتیجے میں وہ زندگی کی بازی ہار گئے۔
سلطان خان نے متعدد ڈراموں میں شان دار اداکاری کا مظاہرہ کیا اور پی ٹی وی کے ناظرین میں مقبول ہوئے۔ ان کے چند ٹیلی وژن ڈراموں میں تعبیر، چٹان، انا، برزخ، لاتوں کے بھوت اور روزی شامل ہیں۔
سلطان خان کو بی بی سی کے ڈرامے Ammuculated Conception میں بھی کام کرنے کا موقع ملا تھا۔
انھوں نے صرف اداکاری کے شعبے ہی میں نام نہیں کمایا نہیں بلکہ پروڈیوسر کے طور پر ان کا مشہور ترین ڈراما فن کار گلی تھا، جو ہر لحاظ سے کام یاب اور شان دار ثابت ہوا۔ ٹیلی وژن ناظرین نے اسے بے حد پسند کیا اور یہ اپنے وقت کے چند مقبول ترین ڈراموں میں شامل تھا۔
ان کا ڈراما کھلی کھڑکیاں مکمل ہوچکا تھا، لیکن سلطان خان اسے نشر ہوتا نہ دیکھ سکے۔ ان کے قتل کے بعد یہ ڈراما ٹیلی کاسٹ کیا گیا۔
سلطان خان کراچی کی ڈیفنس سوسائٹی کے ایک قبرستان میں آسودۂ خاک ہیں۔
