اسلام آباد : یوم آزادی نہ منانے کے لیے سیاسی جماعت کی سازش پر عوام نے رائے دیتے ہوئے کہا کہ جو بھی آزادی نہ منانے کی مہم چلا رہے ہیں وہ ملک دشمن ہیں۔
تفصیلات کے مطابق ایک سیاسی جماعت نے ملک مخالف پروپیگنڈا کرکے عوام کو یوم آزادی نہ منانےکی ترغیب دی اور اس سیاسی جماعت کی مذموم سازش کو عوام نے بھرپور طریقے سے ناکام بنایا۔
عوام کا کہنا تھا کہ یوم آزادی نہ منانے کے لیے سیاسی جماعت کی سازش پر عوام کی رائے سامنے آگئی ، عوام کا کہنا ہے کہ یہ پروپیگنڈابالکل غلط ہے کہ14 اگست نہیں منانی چاہئے، 14اگست کو یوم آزادی ہرصورت منانی چاہیے،عوام کی رائے
پاکستانی عوام نے رائے دی ہم آزاد ملک میں جی رہےہیں اور اپنی آزادی پر الحمدللہ بہت خوش ہیں، ہم غلام توہیں نہیں جو آزادی نہ منائیں، ہم نے اپنے علاقے میں بھرپور جوش وخروش سے یوم آزادی منایا، جتنی بھی سیاسی جماعتیں ہیں انہیں اپنے ملک سے محبت کو اولین رکھنا چاہئے اور ہر پاکستانی کو پرامن طریقے سے خوشحالی کے ساتھ آزادی منانی چاہئے۔
عوام نے مزید کہا کہ جوبھی آزادی نہ منانےکی مہم چلارہے ہیں وہ ملک دشمن ہیں، جو پارٹی یہ کہتی ہے کہ آزادی نہ منائیں وہ محب الوطن نہیں ہے، ہم ہمیشہ پاکستان زندہ باد کے نعرے لگاتے رہیں گے۔
پاکستانی عوام کا کہنا تھا کہ افسوسناک بات ہے کہ سیاسی پارٹی اپنے مفاد کیلئے یوم آزادی کو غلامی کا دن کہہ رہی ہے۔
