راولپنڈی : عوام نے آرمی چیف کی ہدایت پر ذخیرہ اندوزی کے خلاف کریک ڈاؤن کے فیصلے کا خیر مقدم کرتے ہوئے کہا کہ نگران حکومت کے اقدامات پچھلی حکومتوں سے بہتر ہیں۔
تفصیلات کے مطابق حال ہی میں ملک میں بڑے پیمانے پر ذخیرہ اندوزوں کے خلاف کریک ڈاؤن کا آغاز ہوا اور ان کارروائیوں کے نتیجے میں حکومت کو بڑی کامیابی حاصل ہوئی۔
یہ آپریشن نگران حکومت اور چیف آف آرمی اسٹاف جنرل عاصم منیرکی مشترکہ کاوشوں کا نتیجہ ہے، ذخیرہ اندوزی کے خلاف کریک ڈاؤن پر عوام نے ردعمل دیتے ہوئے کہا پچھلی حکومتیں صرف کھانے کے چکروں میں لگی ہوئی تھیں، آرمی چیف نے بہت اچھا اقدام اٹھایا۔
عوام کا کہنا تھا کہ ذخیرہ اندوزوں کے خلاف آرمی چیف کی ہدایت پر کریک ڈاؤن کے فیصلے کا ہم خیرمقدم کرتے ہیں، ان اقدامات کا اصل بیڑہ حکومتوں کو اٹھانا چاہیے۔
عوام نے رائے دیتے ہوئے کہا کہ ایک ہفتےکےدوران نگران حکومت کی کارکردگی قابل ستائش ہے، نگران حکومت کے اقدامات پچھلی حکومتوں سے بہتر ہیں اور مافیا کے خلاف حکومتی اقدامات قابلِ تعریف ہیں۔
حکومت اورآرمی چیف کےبروقت اقدامات کی بدولت ڈالرکی قدرمیں کمی ہوئی ہے، ان اقدامات پرآرمی چیف اورنگران حکومت لائق تحسین ہیں۔
