The news is by your side.

Advertisement

اینٹی کرپشن پنجاب کا شیریں مزاری پر مضحکہ خیز کیس سامنے آگیا

اسلام آباد : اینٹی کرپشن پنجاب نے شیریں مزاری پر آٹھ سو کنال زمین کی بوگس کمپنی کے نام بوگس ٹرانسفر کا مضحکہ خیز کیس بنادیا۔

تفصیلات کے مطابق اینٹی کرپشن پنجاب کا سابق وفاقی وزیر شیریں مزاری پر مضحکہ خیز کیس سامنے آگیا ، جس میں شیریں مزاری پر 1972 میں بوگس کمپنی کے نام 800 کنال زمین کی بوگس ٹرانسفر کاالزام عائد کیا گیا ہے۔

شیریں مزاری انیس سو چھیاسٹھ میں پیدا ہوئیں اور انیس سو باہتر میں بوگس ٹرانسفر کاکیس بنادیا گیا، جس وقت کا مقدمہ درج کیا گیا ہے اس وقت پی ٹی آئی رہنما شیریں مزاری کی عمر صرف چھ سال تھی۔

یاد رہے سابق وفاقی وزیراور پی ٹی آئی کی رہنما شیریں مزاری کو گھر کے باہر سے اسلام آباد پولیس نے گرفتار کیا تھا۔

اسلام آباد پولیس کا کہنا تھا کہ شیریں مزاری کیخلاف اینٹی کرپشن ڈی جی خان میں مقدمہ درج ہے، گرفتاری کے بعد شیریں مزاری کو پہلے تھانہ کوہسار منتقل کیا گیا ، جہاں سے انھیں ڈی جی خان منتقل کردیا گیا ہے۔

Comments

یہ بھی پڑھیں