لاہور: چیئرمین پی ٹی آئی عمران خان کی گرفتاری سے پیدا شدہ صورت حال پر پنجاب بورڈ نے اہم اعلان کردیا ہے۔
لاہور بورڈ کی جانب سے جاری بیان کے مطابق پنجاب میں کشیدہ صورت حال کے باعث جماعت نہم کے مزید دو پرچے ملتوی کردئیے گئے ہیں، یہ پرچے باالترتیب 11 اور 12 مئی کو ہونا تھے۔
بورڈ حکام کے مطابق گیارہ مئی کو جماعت نہم کیمسٹری کا پرچہ جبکہ بارہ مئی کو جماعت نہم اسلامیات کا پرچہ ملتوی کیا گیا ہے، ملتوی ہونے والے دونوں پرچوں کی
اس سے قبل برٹش کونسل نے آج پاکستان میں او اور اے لیول کے پرچے منسوخ کئے تھے۔
یہ بھی پڑھیں: پنجاب حکومت نے کالجز اور یونیورسٹیز کی بندش سے متعلق اعلان کر دیا
برٹش کونسل کی کنٹری ڈائریکٹر عظمیٰ یوسف کے مطابق آج او لیول فزکس اور اے لیول کا میتھمیٹکس کا پرچہ ملتوی کیا گیا ہے جب کہ دیگر تمام ممالک میں آج ہونے والا پرچے شیڈول کے مطابق ہوں گے، انہوں نے بتایا کہ ملتوی ہونے والے پرچے دوبارہ نہیں لئے جائیں گے بلکہ تمام امیدواروں کو ایوریج مارکنگ پر نمبرز دیے جائیں گے۔دوبارہ تاریخ کا اعلان بعد میں کیا جائے گا۔
دوسری جانب پنجاب کی نگراں حکومت نے امن و امان کی خراب صورتحال کے باعث صوبے بھر کے کالجز اور یونیورسٹیز کو اگلے 2 روز کیلیے بند رکھنے کا فیصلہ کیا ہے۔
